王祖藍是非精年宵檔 為電影《你咪理,我愛你!》宣傳

首次執導便挑戰「歌舞片」及「賀歲片」兩大難度的王祖藍,近日馬不停蹄為新片《你咪理,我愛你!》四出宣傳,除了跑勻港九新界各大小戲院外,昨晚及今日更先後直搗觀塘年宵及旺角街頭大派利是,實行在全港各地掀起「你咪理旋風」。

今年賀歲檔電影競爭激烈,為了在票房打造佳績,各大電影導演及演員可謂各出奇謀。祖藍今日現身旺角鬧市大派利是及電影換票證,旋即吸引近百人潮。他們除了大向祖藍高呼「你咪理,我愛你」外,更紛紛上前慰問導演囡囡近況,十分窩心。另外祖藍昨晚亦抽空到了觀塘年宵為好友兼戲中演員梁嘉琪及其是非精拍檔馮盈盈、湯洛雯及張寶兒等齊齊開設的年宵攤檔打氣及撐場,期間亦因向入場市民派發電影換票證,而令場面異常蜂擁熱鬧。

祖藍受訪時表示近日生活很「規律」,主要都是跑戲院,然後趕回家「睇女」。忙到甩碌的他,更謂今年依然未能抽空與家人吃團年飯,認真陰公。談到今年賀歲檔電影競爭激烈,他大方表示是好事:「最緊要係百花齊放,好耐冇見過一個新年檔期係咁旺,絕對係好事,刺激番大家入戲院對行業都係好事。」

根據今日觀察,《你咪理》年初一票房成績不俗,港九新界均有戲院「見紅」報捷,對此祖藍表示仍需努力:「今年嘅仗雖然好難打,但我哋都會努力。希望套戲可以帶畀大家正能量,睇完可以感受到快樂同愛,同埋可以開開心心咁過年。仲有我想講香港真係好靚 ,香港都可以拍到好靚嘅歌舞片。」

嘉琪、馮盈盈、湯洛雯、張寶兒等投資六位數搞年宵,眾人更是出錢又出力,只要一有空就到攤位落力SELL客,甚有幹勁。

浩楠

浩楠

Stars-hk 創辦人, 希望建立一個只談專業, 不談八卦的娛樂資訊網站。