杜德偉盼兒子長大搵到方向和正能量

杜德偉(Alex)新專輯《起來》今天(4日)在台北舉行發佈會。首度擔任專輯監製的Alex共花了5年時間籌備,3年時間實行,Alex說:「體會到懷胎10月嘅感覺,但係呢個胎懷咗5年咁耐,今日終於等到呢個發佈會,好似有種辦喜事的感覺。既然辦喜事,當然想請想見到嘅人嚟,今次來到台北,其實有位我好尊敬、好像親人嘅朋友邱瓈寛為我發佈會畫龍點晴。」

這次新專輯名為《起來》,原來背後原因與仔仔AJ有關。Alex覺得「起來」即是要跳脫,要離開舒適圈(comfort zone):「日常生活好易依賴係自己最舒服嘅範圈裡面,做自己最舒服嘅嘢,但係要得到成就,就者突破自己的時候,就一定要離開舒適圈,先會得到更多驚喜、成功,達到理想。呢個方向由始至終都係想著兒子來做,因為將來佢長大後,當佢人生迷失方向嘅時候,希望在這張唱片聽到這些歌,會搵到方向和正能量,因為自己唔係永遠係仔仔身邊。」

而今次亦是Alex第一次帶仔仔開工,現場有仔仔一起看MV發佈,雖然Alex說心情不緊張,但仔仔的出現,為Alex帶來很溫馨的感覺。有仔仔陪伴和新碟出世,Alex說最多謝老婆賢內助,而且好想再生小朋友,生孖胎就最好,可以收工!

有別於以往的專輯,Alex說:「以往習慣嘅模式有唱片總監,每當我聽到首歌嘅時候,已經精簡過晒,差不多完成6-7成工作,我入錄音室唱就可以了。但今次真係由自己一手一腳去完成所有嘢,呢3年幾好多心血係裡面,無論係歌詞、所有編曲,甚至樂手,都由自己撐。去到最後混音編曲嘅版本,每首歌差不多有4-5個,要同香港、台灣、美國和韓國嘅混音師合作,大家聽到每首3-4分鐘嘅歌,其實裡面有好多心血。」

今次發佈會請來華人影視界的扛霸子邱瓈寛作神秘嘉賓,30多年前寛姐與Alex因合作音樂而認識,因為新碟《起來》的主題是跳出comfort zone,Alex笑言,想請寬姐穿裙、魚網絲襪、高跟鞋出席,但不敢提出,穿橙色衣服的寬姐回應說:「今天已經好跳出comfort zone,平日我都只穿黑色,媒體都未見過我著其他!」寬姐準備了「冰雕」送俾Alex,喻意灌入「動(凍)」力,現場隨即播出新的〈起來〉MV。

這次發佈會吸引了Alex不少台灣的fans到場支持,Alex多謝他們一路以來支持,新碟是送給他們最好的禮物。台灣fans表示,好耐沒有看Alex的演唱會,寬姐亦表示未來想和Alex合作,希望Alex在台灣開演唱會,寬姐會努力爭取由佢負責。

浩楠

Stars-hk 創辦人, 希望建立一個只談專業, 不談八卦的娛樂資訊網站。 STARSHK 總監, 星雨文化 董事, 藝人及名人管理, 項目:OTO 平台Artist-HK,活動統籌,