韓子亮進軍泰國幫酒店拍廣告

歌手韓子亮(TL)上星期衝出香港,到泰國拍攝廣告。受泰國某酒店邀請的TL上星期飛到芭提雅,與整容逾30次、由大叔變鮮肉的當地男網紅金民豪分別為同一酒店拍攝宣傳片。一向「惜肉如金」行韓風的TL為了配合陽光與海灘的泰國,不惜「處男下海」,赤裸上身上陣!不過怕醜的他卻以獨角獸浮床「遮遮掩掩」,始終謹守「兩點」,最大尺度只是看到「肉背」。
對於金民豪30次整容,TL說:「我覺得佢整容真係一個好成功嘅例子,都幾自然,雖然佢整咗 30次可能係一件好辛苦嘅事,同埋冇人知道佢痛楚,但起碼佢呢一世係會賺得返。」雖然有見金民豪整容後即刻由醜八怪變成人生勝利組,不過TL就指不會考慮整容,他笑說:「我唔考慮喇,因為我個樣又冇佢未整之前咁差,咁我依家覺得正正常常,唔係好醜樣,又唔係好靚仔,夠做㗎喇!因為人比人、比死人,如果真係去整,整完啲人又可能覺得你唔整靚啲,唔整就最好喇。」TL又透露此行跟金民豪有傾談合作:「之後可能有機會大家一齊拍旅遊節目。」
一首《Party with TL》唱到被90、00後奉為「歌神」的TL,去到泰國都不忘要繼續Party!收工後,TL「獨自去偷歡」到芭提雅內最大型的「荷里活酒吧」夜蒲,其間更有「艷遇」,有名泰國型男上前主動搭訕,TL最後亦有禮貌地應要求與對方頭貼頭合照。除了夜蒲外,TL還去了親親大自然,去野外嘗試了玩繩網,一展運動細胞。

浩楠

浩楠

Stars-hk 創辦人, 希望建立一個只談專業, 不談八卦的娛樂資訊網站。