【UTO娛樂新聞】林安兒朱紀菲做老闆搞財經apps

【UTO娛樂新聞】財經女神雙珠YEnnas朱紀菲和Ankie林安兒,雙雙結伴出海遊船河,散散心,和陽光玩遊戲。Ankie更一改形像,以一頭短髮示人,意態撩人。

兩人由上年參加國藝娛樂女股神比賽而認識,一齊被公司安排以財經女神做宣傳,至今兩人情同姐妹,亦對財經認識深了,雖然未達大神專家境界,但行內都以女神作稱號,埋枱講財經,都可以傾談得頭頭是道。

兩人潛力和形像最近更獲公司看中,力邀合作發展一個名為“黃大仙聯盟有求必應apps“,主打頭炮就係財經資訊內容,教人投資策略,長揸短炒,更準備明年一月出擊。咁咪即係做老闆?Ankie回答,都係吖,有股份,不過我地吾使投資金錢,要做宣傳工作,但都有代言費用收,每人合共六位數字穩袋,都幾和味。稍後要忙拍宣傳片,仲會拍住十幾位財經專家合作做,辛苦一年投資青春和努力,有回報係好事,重點係証明自己努力,有交代。