[Stars Girl] Niki Mok 實現極光飛行夢 成就香港第一女極光行者

0
45 views

今期Stars Girl介紹既係「極光女機師」Niki Mok。Niki 曾多次進出北極圈,也是國際極光協會幹事,對追極光知識,裝備等,Niki認真係極光KOL,Niki更被廣東廣播電台稱為香港第一女極光行者。

極光

Niki「 其實好多人對極光有興趣但未睇過, 俾人一種神秘奧秘, 遙不可及的感覺, 當然北極光也是可遇不可求, 但是如果掌握竅門 絕對係看到機會大於90%,例如掌握極光指數,位置,覆蓋範圍,天氣有沒有雲,霧氣 ,雪被遮蓋等等。而且還有到極地的裝備,注意細項等,因有些人也看輕在極地的風險,而且帶左貴價相機也未能拍攝到滿意的北極光相片」

「 風雪之下7 晚竟然追到 6 晚北極光!真係好開心,今次挪威旅程影左唔少相,真係雪夜追光,一直追到世界盡頭北緯71度 」

好多人會問睇過極光點解仲要睇?其實每次追極光都有唔同感覺,極光每次的出現都唔同形態,靜態或舞動,色彩層次光暗各有特色,非常吸引。我喜歡用藝術的角度欣賞北極光的大自然美景,透過美麗極光的藝術和文化,分享、珍惜和愛護北極圈和南極圈,繼而推廣當中藝術文化和人道精神。

Niki於國際極光協會成立當天, 以個人名義送出30份環保飲管, 希望藉此帶動環保訊息,為了讓大家更認識極光、北極圈、關注環保,所以佢便做直播。直播中,講極光、保護極圈之餘,亦會講學揸飛機過程。因佢早年曾放棄工作,而去學揸飛機,感受飛行。誰知,一呼百應,感謝大家支持!亦因此成了港區第二名並代表參與公開活動。

今年10月跟國家地理National Geographic 及國際極光協會挪威藉專家Peter及協會聯合主席星雨共同帶領一起去了北緯71度的世界盡頭追北極光。「 由於真是世界盡頭,追光經驗一生難忘」

「好多人以為好有錢先可以完成飛行夢,其實大大誤會,如果想知多D可以留意下我的post或直播,我都希望帶多啲正能量俾大家,現實得來別忘了努力實現夢想 」

女機師

為左追尋極光飛行夢, Niki放棄左全職工作,隻身去美國參加飛行訓練,學習航空知識 最後完成單獨飛行,成功獲得證書。「 兩年前第一次去美國感受揸飛機,試左之後覺得太正,太自由,真係好想由自己一個人喺天空揸住架飛機,所以回港後決定會去完成單獨飛行 」

Niki最後喺今年3月就決定返美國完成單獨飛行,「架飛機得我自己,由自己Takeoff 同 Landing 感覺真係好自由好爽,但事先當然都做左好多準備,溫左好多書,始終隔離冇教官,咩都叫靠自己,其實最初都心大心細自己得唔得架」Niki真係大膽,真算係一個女漢子,Solo命仔自己掌握,好明顯睇得出Niki真係好鍾意飛機和飛行,其實當中有無想過放棄呢?

問到有沒有想過放棄? 當然有啦,最初成日聽講話易過揸車,所以自己低估左個難度,但後來開始學習後,又天氣,又好多飛行知識咁,先愈來愈覺得,乜原來solo都咁多野讀,而且一諗到solo有咩事就靠自己架喇,我為興趣姐,唔洗搵命博架嘛,好在間飛行學校和老師好貼心咁教我,又跟進我進度好貼,都俾左好大信心我。

最後係有十足把握,熟哂d飛機操作,要求每次touch down都夠靚,先真係敢去Solo,其實真係人生一個里程碑,完成到我真係超開心架,我方向感又差,所以係突破左自己。

Niki平時會喺直播講述好多有關追北極光的驚險和趣事,還在北極光下燒烤,亦可能是第一批在世界盡頭極光下燒烤的香港人。Niki 的確是一個笑容甜美的快樂女生,想知更多Niki既飛行故事,追北極光的驚險故事,雪山上被困等等,繼續留意StarsHK 或追蹤佢既所有啦。

攝:Tommy Tang
Niki Facebook/youtube:極光女機師Niki Mok
IG:niki_mok_niki
直播Uplive: nikimok

NO COMMENTS