陳安立澳門旅遊塔「跑樓梯」贏冠軍

陳安立(Brian)、Aka@SG、 6@RB、吳雲甫日前出席澳門旅遊塔接力賽,擔任樂施會滅貧眾籌大使,陳安立就話吸取去年經驗,學會「留前鬥後」戰術:「上年熱身唔夠,又睇少咗跑樓梯比賽的劇烈程度,所以搞到上氣唔接下氣,完成比賽之後不斷狂咳。今年多左經驗,識得分配體力令時間快左,最後打破了上年紀錄,贏到團隊冠軍超級興奮!」

Brian就話為今次比賽刻意抽時間練習,一拍畢「詭探前傳」後埋位特訓:「我都要多謝我Trainer,成日同我練跑樓梯。又叫我唔好搭電梯,有樓梯就跑,有時都會嚇倒垃圾的街坊,真係唔好意思。拍劇期間我都問秋官學養生之道,秋官話每晚都會係屋企做運動,持之以恆,非常值得學習。」

Aka@SG、 6@RB與陳安立一同參賽,Brain笑指大家以旅行心情輕鬆出發:「無咩比賽壓力,最後又可以做善事呼籲更多人支持扶貧工作。Aka 同6號原來都算是半個澳門人,曾經係澳門成長,所以我都會趁機問佢地邊度有食好玩地方推介。」

浩楠

Stars-hk 創辦人, 希望建立一個只談專業, 不談八卦的娛樂資訊網站。