董敏莉為肚中BB戒口 化身大媽遊日本

0
27 views

早前宣佈懷孕的董敏莉(Monie)日前聯同家人出發大板旅行,適逢當地早前發生地震,令旅程一度考慮取消:「其實每年我都會同家人一齊去旅行,今年就連埋肚入面嘅BB一齊參與。其實由年頭開始夾家人的時間,點知出發前就有地震,所以都擔心架,加上日本熱浪持續,朋友都有勸我轉地方,但係屋企人都準備好酒店同機票,見情況有好轉所以照常出發。」

董敏莉笑言每天都準備好「大媽三寶」起行:風扇、退熱貼、毛巾出發,而老公沿途呵護備至,令Monie未感到辛苦:「當地日日都三十幾度,大汗淋漓咁去每個境點,加上孕婦體溫比正常人高,我又唔可以凍野,唯有睇住老公食西瓜、雪糕解暑。」
Monie笑言今次日本團「伙食差」,為肚中BB戒口:「咩都話唔食得,魚生個類唔洗預我,唯有食多點水果補數。其中一日我地去左動物園,我行埋少少同鹿群影相,老公就好擔心叫我護肚,因為怕佢地撞到BB,呢份細心真係拍拖個時都未見過。」

NO COMMENTS