童星黃雪兒試玩潮人玩具TrueBalance

在《宮心計2之深宮計》中因飾演劉心悠童年而備受觀眾認識的童星黃雪兒,昨日現身動漫節,試玩連外國經典組合Boyz II Men亦爭住熱捧的潮人玩具TrueBalance,並為即場舉行的競技比賽擔任頒獎嘉賓。

由於該件潮人玩具出名難度高,雪兒出席活動前,專誠問主辦單位拿了一個迷你版試玩,並笑言「唔想現場玩極玩唔掂咁醜怪」,十分搞笑。一心希望自己能即席締造佳績的雪兒,活動開始前還是一本正經地不斷試玩玩具,令到專誠以美少女戰士打扮到場為姐姐打氣的妹妹看得目瞪口呆。
事後雪兒笑言是次活動讓她十分緊張,幸好最後表現尚算合格。經過一大輪苦練的雪兒,更大爆熱玩該件潮物的 心得:「呢件玩具其實係好考驗耐性嘅,同埋我覺得玩嘅時候隻手要定,盡量保持平衡,千祈唔好揈嚟揈去,咁成功嘅機會就會高好多。」
雪兒又笑言自己十分享受拍劇,希望將來有機會可以再演其他不同角色:「因為可以識到好多唔同嘅哥哥姐姐。我之前好細個嗰時拍《幕後玩家》,龔嘉欣係做我媽咪嘅,佢好錫我,當我好似真嘅女咁,仲成日買嘢食畀我食。」

浩楠

Stars-hk 創辦人, 希望建立一個只談專業, 不談八卦的娛樂資訊網站。 STARSHK 總監, 星雨文化 董事, 藝人及名人管理, 項目:OTO 平台Artist-HK,活動統籌,