吳卓羲全黑劉心悠吊帶，出席《再見．女人街》鬧市宣傳

吳卓羲、劉心悠、廖啟智、尹光、胡渭康、張立基、祁迹、吳堯堯、莊端兒、劉婷婷Coka、徐嘉美kamy、蘇嘉倫及黃竣鋒等一眾藝人，現身旺角街頭為新片《再見．女人街》進行開鏡拜神儀式，舞獅並切燒豬，星光熠熠場面壯觀。寶明哥電影公司「明利電影製作有限公司」在現場封了一半街口，塞滿逾百市民圍觀。

記者:Kimberly

寶明哥(左一) 大派利是，祝眾演員拍攝順利。

心悠是第3次到訪旺角女人街，現場見她毋懼人多，更以吊帶小背心上陣，笑住話：「好性感咩？我好少咁著，算有進步。」她指新片將在女人街取景，問她可會擔心安全？「唔會，好好玩，好熱鬧，見到唔同國家嘅人喺度。」還透露在片中飾演，不粗魯又不算文靜的運輸工人。
身穿黑衫加黑超到場的卓羲，被一眾粉絲舉牌支撐，相當熱鬧！在新片中演黑社會的他，與心悠有不少感情戲。講到對旺角印象，他坦言對色情碟聞名的商場亦知曉，但強調自己只是上去買遊戲碟：「我有落嚟買波鞋。（有冇買四仔？）我都係上去買Game碟咋，嗰度好嘈，其他聲我都聽唔到！不過，我知嗰度(四仔)好聞名，外國朋友返嚟都會帶佢見識下呢啲地道嘢！（有冇買？）我咁忙，屋企部碟機都冇開過！」

蘇嘉倫角色叫亞秋，是吳卓羲（子豪）和張立基（亞勁）一起的江湖兄弟。

徐嘉美kamy(左二)說暫定是演醜角，一個女綁匪的角色。劉婷婷Coka(左三)就好期待再次拍寶明哥電影及同吳卓羲、胡渭康、張立基、蘇嘉倫等好戲之人做對手戲。

《再見．女人街》
東仔(11歲) 吹水唔抺咀，在女人街已是混得街知巷聞，他是非法留港兒童。輝粗人一個，在女人街售賣T恤和香港紀念品，爛賭成性，市懀度叔，終日流連賭檔，常要東仔看檔。

任職跟車送貨工人的佩怡平日會在女人街送貨，為家庭經濟支柱，長期辛勞和承受弟弟的壓力，人生充滿負能量，子豪是卧底警察，以古惑仔的身份在女人街看賭檔放數，本性善良。