「賽馬會教育無邊界『友師同行』啟導計劃」從學習動機及態度入手 幫助弱勢學生改變命運

「教育無邊界」日前(8日)舉行了「賽馬會教育無邊界『友師同行』啟導計劃」起動儀式。此計劃以學校為單位,由2017年8月開始,為期三年,一共有五間中學經挑選後成為伙伴學校。這些伙伴學校都是位於香港貧窮率最高的地區,受惠的學生當中大部分是來自社會資源極為薄弱的家庭,所以深入而細緻的啟導服務對這些學生來說,尤為重要。此計劃不僅延續及改進「教育無邊界」過往在學校的工作,也支持該會持續研究及嘗試在各伙伴學校推展新的啟導及教育模式,如透過電子平台進行啟導等。今次是「教育無邊界」首個由香港賽馬會慈善信託基金捐助的啟導計劃,預計將有超過6,000名本港中學生受惠,使他們的學習態度、動機及自尊感有所提升,受用一生。

起動儀式中,「教育無邊界」榮譽顧問鄭燕祥教授特別蒞臨分享。他表示: 「目前香港的教師,往往受制於非教育工作過多、班內個別差異過大等的影響,一般只能偏重學生的學科考試或外顯行為表現,而欠缺對他們的自信、動機及態度的細緻培養。這項啟導計劃正好針對這香港教育的核心問題,幫助弱勢學生從學習動機及態度入手,從而改變命運。」此外,多間參與此計劃的伙伴學校的同學們亦於儀式中以話劇表演、製作時間囊等不同形式,在台上展現他們於啟導過程中的成長和改變。

参加了此「友師同行」啟導計劃的談同學表示: 「之前嘅我其實係一個好灰嘅人,就算有想做嘅嘢,都即刻會否定自己。例如我將來其實最想做會計,但我就會諗自己都係做唔到㗎喇,英文咁差。我最記得Miss Hayley 教過我,唔好淨係諗唔得點算,要諗下如果我克服到挑戰會點,例如係學好英文,我會做到更多嘢,做到一個出色嘅會計師。Miss Hayley令我更加有勇氣去嘗試一啲新嘅挑戰,就算唔識都會去試咗先,唔會一味就話唔做喇。」

啟導友師郭頌恩認為 : 「我地嘅同學就好似水一樣:面對外在環境嘅改變、遇到難題同挑戰,要能夠識得調整自己嘅心態,更加積極去面對身邊嘅挑戰、更加有力量去面對自己。喺呢大半個學期,好感恩可以見證同陪伴到同學嘅成長,相信只要可以延續呢份改變,無嘢係難到佢地㗎!作為啟導友師,我為呢班同學感到好自豪!」


啟導友師唐睿敏也分享她的心得 : 「當日見證住符同學本身猶豫緊唔知做廚師定甜品師,到喺今日嘅活動上佢可以企出嚟好肯定咁同大家講夢想係做甜品師,我好開心。而喺呢個整甜品嘅過程入面,我見到佢嘅轉變;由一開始買材料,我要叫咗幾次先買到,到整甜品時,係由佢自己做主導,無論係大小步驟都會好主動咁話要自己落手落腳做,仲話我知要點樣幫手一齊完成!呢種態度同眼神係之前喺課室或者平時交談入面從未見過。我都好想多謝符同學畀咗我一個機會去嘗試新事物,可以陪佢一齊實踐係一件好興奮又開心嘅事。希望今日整甜品嘅熱誠可以延續,成為符同學做將來做甜品師嘅推動力!」

「友師同行」啟導計劃的参加辦法: 2019/2021伙伴學校招募預計將於2018年底進行,招募由2019年8月開始與「教育無邊界」合作兩年的伙伴學校。有興趣的學校請參閲「教育無邊界」網站内之「成為伙伴學校」部份。(網址:https://www.teachunlimited.org/)

浩楠

Stars-hk 創辦人, 希望建立一個只談專業, 不談八卦的娛樂資訊網站。