愛麗絲用太鼓戰勝蝙蝠魔王 Purple 姐姐讚阮頌揚用心有天份

《愛麗絲夢遊仙境:夢想之城》三日五場音樂劇圓滿結束!一眾演藝名人,包括翁晶晶等 睇完都好評如潮,坐無虛設。李紫昕Purple:「今次舞臺上演者一百四十多人,五場爆滿,多謝大家入場支持。由於《愛麗絲》係夢幻,今次加多很多特別的元素,好似夢一般的美好展現在大家眼前。對演員係特別辛苦既,我共換上五套華麗服裝,歌都比之前的多,最開心是觀眾反應都特別好。」

用多國語言唱《London Bridge is falling down》要做資料搜集,係難記既,不過比較資深的歌迷及粉絲都會有印象,當年我主持《 音樂看世界》都會用多國語言,成日玩一些世界不同的音樂,今次用左唔同語言,唔同民俗曲風元素放進今次舞台劇,希望比到大家一個當年既感覺。

日本文化的太鼓,快速轉裝都是Purple 姐姐音樂劇新加的元素。

鍾景輝King sir (中)擔任總導演及藝術總監,高志森(右二)擔任監制。

一眾觀眾完場後就排長龍去購買《愛麗絲夢遊仙境:夢想之城》原聲大碟,及同Purple 及余俊峰兩位主角合照。

Grennie Chau @ own image 為Purple 姐姐特別設計粉紅色(上)及紅色(下) 晚裝長裙。

Purple 姐姐就要開始準備,黎緊九月份保誠保險有限公司呈獻同名《愛麗絲夢遊仙境》教導小朋友理財的音樂劇。

眾多小朋友完場後排隊跟阮頌揚合照,小朋友們拍照時攞出蝙蝠魔王招牌姿勢,十分投入。

當中飾演魔王一角的男演員阮頌揚Brian備受Purple讚賞:「以新人黎講演得好好,比心機投入角色,  ,很有前途。在團隊中發放正能量,跳舞好好,好積極帶動團隊跳舞。同小朋友打成一遍,係一個開心果。 」Brian分享:「今次做蝙蝠魔王好有挑戰性亦好開心呀,因為第一次音樂劇就做大奸角,個個小朋友都話睇到魔王好奸呀。同埋另外一樣就係第一次工作係同咁多小朋友一齊玩, 一開始都驚佢地怕左魔王。但一路排佢地就一邊「蝦」返魔王轉頭! 真係少啲精力同佢地玩都唔得呀。」

董頴恩Madonna也分享音樂劇感受:「入行之後第一次參演舞台劇,一班人一起排練兩個多月變成了一家人。音樂戲特別講求團隊重要性,我好感謝這段時間大家的努力和付出,包括我最難的多首群舞戲段,內有分工轉境需要互相扶持。一連五場演出我沒有緊張但非常感動。最後一場謝幕時都留下依依不捨的眼淚,直至今天起床耳邊仍然迴響著劇中的音樂及與大家共同並肩作戰的片段。團隊已經開始準備明年劇目,十分期待。」

文:林律希

慶功宴上 Purple 姐姐很喜歡這個由 Enjoy Party Catering 特別以今次《愛麗絲》贊助的蛋糕。

浩楠

浩楠

Stars-hk 創辦人, 希望建立一個只談專業, 不談八卦的娛樂資訊網站。