[新歌推介] 蘇慧恩新歌《又情人節》旺角鬧市擁吻黃建東

新晉靚聲女歌手蘇慧恩Ophelia被Apple姐(劉麗萍)賞識力邀正式加盟Big King帝皇娛樂公司,與莊思明(Lisa)同樣成為旗下歌手,Ophelia加盟後隨即推出新歌《又情人節》,日前於旺角鬧市拍攝MV,並且邀請了騎呢搞笑的黃建東(東東)飾演MV的靚仔男主角,東東嘲笑Ophelia好大膽兼好有勇氣,竟然搵他演靚仔,兩人並在旺角西洋菜街人頭湧湧的街頭圍觀下擁抱接吻,但接吻浪漫完後,靚仔東東更慘被靚女Ophelia在當街當巷喝駡:「去死啦!」。

MV劇情講述Ophelia與東東係一對情侶,但因兩人各自去玩,搞到誤會重重,兩人更在旺角人來人往的隧道內鬧交,Ophelia更一手將東東推埋牆,仲好狠咁叫東東:「去死啦!」因為Ophelia太入戲,搞到途人都以為他們真係鬧交,雖然東東慘被推埋牆,但好彩劇情也有講到兩人懷緬過去拍拖甜蜜時光,在旺角鬧市中心擁吻,算係補番數啦!

Ophelia表示要向東東講對唔住:「其實我非常唔好意思,我當時好大力推佢埋牆,推到佢撞到,好彩佢冇受傷。」諗起被途人誤會鬧交,她就覺得好好笑:「大家初時以為我地真係鬧交,停晒腳步睇交,後來睇到攝製隊至知係拍MV。」至於在旺角與東東在市民圍觀下拍擁吻戲,她就大叫好尷尬。


東東則表示非常好開心Ophelia邀請做MV男主角,仲係講明要靚仔,唔洗扮騎呢,他笑晒說:「搵我做靚仔男主角,好驚訝,覺得佢好勇氣同好大膽,不過我都獻出咗螢幕初吻畀佢。」

浩楠

浩楠

Stars-hk 創辦人, 希望建立一個只談專業, 不談八卦的娛樂資訊網站。