白健恩黃建東金雞獨立招財進寶

人日到，白健恩（小白），黃建東同小婷出席好友團拜活動，兩兄弟都同樣屬雞，要拜年祝福大家，當然唔會咁行貨，小白原本想使出一招一柱擎天，可惜條褲太緊，差點爆呔！唯有做出一式金雞獨立！東東因為剛剛拍完電視劇趕到現場，冇時間梳靚個頭，以傻仔平頭裝亮相，睇到個傻仔樣都想笑！東東不忙其搞笑作風，拿起一梳蕉，話要祝小婷招財進寶！好彩小婷反應快，隨手拿起賀年全盒祝福賺錢盤滿缽滿！搞笑三人組祝福大家人日人人生日，開開心心，要金得金！