胡琳、馬嘉均上有線請銳哥食湯丸

c_ (2)

日前歌手胡琳(Bianca)、馬嘉均(馬仔)聯同唱片公司高層朱明銳(銳哥)接受有線主播黃芳雯、鄧曉霖邀請,拍攝娛樂新聞賀年節目,四人分成兩組泡製湯丸給銳哥品嚐。

c_ (1)

胡琳坦言自己廚藝了得,相信銳哥都會滿意自己的手勢:「我煮野食唔差架,平時都有煮開飯,頭先仲問大廚點整湯丸好食D,相信銳哥欣賞我嘅廚藝之餘,都好滿意我過去一年嘅成績!新一年個期表都排到滿晒,依家忙緊新歌《願望樹》宣傳,之後就要排《風雲音樂劇》,同時間又出英文碟,跟住就演出喇!唯一係過年個幾日可以抖下咋!」,胡琳亦透露下半年將忙籌備個人演唱會及新歌宣傳,笑言新年願望就是做到「冇時停」,一切按計劃進行。

c_ (3)

同場的馬嘉均整湯丸時烏龍百出,馬仔自嘲是地獄廚神:「一睇就知我唔係暖男個D人啦!平時真係好少煮野食,有時間都走左去夾Band,希望銳哥唔好食到肚痛!今年我會去內地直播平台個度做節目,主要都係唱歌分享音樂,仲計劃碌盡人情卡,叫多D朋友同我Jam歌!」。

c_ (4)

馬仔希望將香港Band仔音樂帶到內地市場,令更多人留意香港歌手:「其實香港仲有好多好音樂,廣東歌都仲有好多人想聽,我地作為後輩歌手就更加要出力去推廣呢D本土音樂,比其他樂迷認識廣東歌啦!」

c_ (5)

播出日期: 2017年1月28日
播出時間: 晚上7點
播出頻道: 有線高清娛樂台 212頻道 / 12頻道

浩楠

浩楠

Stars-hk 創辦人, 希望建立一個只談專業, 不談八卦的娛樂資訊網站。