張羽希Venus帶河國榮食西餐特色菜

為食貓張羽希Venus成為港飲港食雜誌主持，主力推介全港各區的美食，共二十集。今集帶大家來到大埔Alien fusion，邀請左同餐廳一樣咁有Fusion特色既澳洲香港人河國榮Gregory 為嘉賓，一同出席拍攝港飲港食頻道美食介紹，試一試西餐特色菜。

經常食西餐的Venus 今次就叫廚房準備《鵝肝雲吞》、《罌粟籽煎鵝肝》、《傳統豬手》、 《京蔥燒鴨Pizza》、 《黑松露菌湯》、《泡菜燒雞》、《黑糖椰汁燒虎虾配BBQ煎黑毛豬》、《白麵豉京燒三文魚配芝士粟米蓉》、《豉椒豬寸骨煲仔意大利飯》再配上手工啤酒，誓要河國榮抱住個肚走。

Gregory 好欣賞燒三文魚，問番師傅，原來醃了4個小時，再慢煮，所以三文魚煮出來才嫩滑。另一道佢好欣賞既菜係《京蔥燒鴨Pizza》，好似食緊北京填鴨不過個春卷皮就變左Pizza，北京填鴨Cross Over Pizza 好好食非常特別。佢覺得餐廳另一賣點係，環境寧靜可以慢慢細心品嚐每一道美食。

Gregory話黎緊會自資拍攝教講廣東話嘅節目，先拍兩集再搵投資者，希望可以在電視台播放。

Venus 話自細就睇Gregory的電視劇大，好開心今次請到佢做嘉賓。拍左幾集港飲港食後，好多圈中好友都舉手話要一齊拍，要跟Venus 食好野。Venus 話未來要努力四圍發掘一些少人識但又好既餐廳介紹比大家。

Alien fusion
地點:大埔仁興街31-33號地下