hmv擲一億豪送50萬支唱k神器

中國3D數碼娛樂有限公司主席蕭定一近兩年超速開拓版圖，除了先後與 GME 及 Starz People合併外，更於今年中成為 hmv 老闆。由於業務頃間擴充，公司亦已正式換名為 hmv數碼中國集團。

hmv 數碼中國集團的首個大 project，就是創立可以聽歌及睇戲的 hmvPLAY 應用程式，為催谷宣傳，hmv 大手筆豪擲一億，大送 50 萬支時下 hit 到爆廠的唱k神器 (hmv oleGok)，由下周二(11/10)起登記做 hmvPLAY 會員，就可以用 78 蚊月供優惠價入會，同時獲得這兩款唱 K神器禮物。今次 hmv 數碼中國家族更加總動員晒冷，以主題「隨時、隨地、隨心」各自拍攝唱k神器的網上有趣短片。

公司旗下的大師兄張智霖 (Chilam) 和其他師弟妹如鄭欣宜 (Joyce)、雨僑 (Ava)、蔡瀚億 (Babyjohn)、陳詩慧 (Eva) 和譚芷昀 (Celine) 等已先後拍攝短片。對於今次公司展開一億送咪大行動，Chilam就說：「阿一係好有生意頭腦，佢今次搞 hmvPLAY 送咪嘅 project幾吸引，我都覺得個咪係好玩嘅，去到邊都唱到歌先方便。」Babyjohn則說：「我見過阿一拎住支唱k神器喺公司間房度唱《女神》，所以我覺得係開心事，佢將自己鍾意嘅嘢分享俾人，我仲好期待每一個攞住唱k神器嘅朋友可以同阿一大合唱。我自己就鍾意唔用echo玩，同埋好鍾意音樂喺支咪度放出嚟。」

Ava表示：「可喜可賀，我拍困lift嘅時候唱歌，枝咪咁好玩，自己唱之餘又可以聽吓人哋唱我嘅歌，唔怕悶，幾時唱都可以；同埋支咪又大大聲咁，可以喺拍戲片場呢啲地方用到，支嘢非常有用，老闆都好有慧眼。」至於Eva亦攬住支咪唔放日唱夜唱，她笑說：「呢件事係走在時代尖端，大家唱k模式唔同咗，支咪好好玩，我喺屋企都會拎住支咪唱，仲拍片上網。」