​​王梓軒、河國榮首演舞蹈劇每人分飾兩角 ​​布偉傑、喬寶寶、雷晴雯秘密探班驚喜打氣

藝人王梓軒 (Jonathan) 及河國榮昨日於高山劇場為城市當代舞蹈團即將上演的舞蹈劇《西遊記》進行綵排，更秘密安排與河國榮老友「鬼鬼」兼舊同事的喬寶寶、布偉傑 (一哥) 及同為舞林中人兼舊同事的雷晴雯 (Winnie) 齊齊突然現身探班，為好友撐場打氣，事前毫不知情的 Jonathan 與河國榮同聲表示此安排給予兩人一個大驚喜。

是次演出兩人均分飾兩角，王梓軒演主持人及玉皇大帝，河國榮則分飾說書人及觀音大使。

Jonathan 與河國榮都是首次正式與舞蹈團合作，兩人均同時分演兩個角色，Jonathan 演主持人及玉皇大帝，在美國讀大學時主修現代舞的 Jonathan 坦言久未上陣舞功生疏不少，連筋也硬了：「以前拉筋好易，但宜家抬腿都只係抬得返一半，唯有喺演出之前盡操啦！」而今次演出的主題曲及插曲皆改編自 Jonathan 自己的作品，來個勁舞唱，希望給觀眾新鮮感，看到不一樣的王梓軒。

對秘密探班毫不知情的河國榮坦言驚喜又意外，開心得笑到見牙唔見眼。

河國榮則同時飾演說書人及觀音大使，他笑言雖然過去亦曾習現代舞，但現已經忘得一乾二淨：「已經係好多年前嘅事，一早已經唔記得晒點跳，所以今次唔會跳，只演同說，跳舞就梗係留返俾讀呢科嘅 Jonathan 啦！佢真係跳得又勁又唱得，叻我好多！」他說今次仲有一大班小朋友一齊演出，絕對熱鬧非常，戲服設計特別且色彩繽紛：「好難諗到《西遊記》竟然可以咁玩法，都真係幾特別，係戲服重咗少少囉。」

Winnie 師弟劉家聰 (Martin) 與河國榮、喬寶寶、布偉傑也曾屬「一家人」，Martin 已與大家約好，到時會與太太及女兒一起看演出捧河國榮場。

到場探班的 Winnie 笑言一直滿腦子問號：「由細到大都只知觀音係女人，所以當初知道由河國榮飾演觀音時都真係嚇一大跳，心諗，『唔通反串』？完全係估佢唔到囉！」此時一哥卻笑說：「觀音其實係男人嚟架，河國榮做啱架喇！下次可以諗下搵埋喬寶寶做孫悟空啦，佢咁鍾意扮鬼扮馬！」但唔好睇喬寶寶啲廣東話咁掂就以為佢對中國文化唔多唔少都知啲，但原來佢其實完全唔識中文，對《西遊記》亦唔了解：「老老實實，呢個故仔我其實都只係知少少，睇綵排已經覺得好過癮，所以都諗緊身邊有無小朋友可以帶埋佢哋一齊去睇演出。」

城市當代舞蹈團行政總監黃國威 (右一) 表示這次與王梓軒及河國榮攜手合作，希望能為舞團擦出新火花，帶給觀眾更多驚喜。