唐貝詩「惜物減廢」 幫助大自然

tong04

唐貝詩 (Lydia)過往對環保認識有限,不擅珍惜資源,例如試過浪費食物、浪費外賣盒,她直言:「以前係眼闊肚窄,肚餓時樣樣都想食,食唔晒就拎番屋企,反正實有人食嘅,但其實咁係唔環保,應該食自己嘅份量,就算有時拎外賣膠盒,呢啲盒都唔係全部可以循環再用,而家我連呢啲都會留意,因為最近自己參加咗環保活動,先明白環保對地球嘅影響係非常重要。」

tong02

Lydia早前出席在金鐘添馬公園舉行的「世界環境日2016—應對氣候變化 乜都唔好嘥」宣傳活動,當日環境局局長黃錦星及香港天文台前台長林超英亦有到場;今次的參與讓Lydia認識到「惜物減廢」,只要人人盡力幫助大自然,就會令世界變得更美好,所以她坐言起行,已實行少食肉多食菜,減少碳排放之餘,還會戒買衫,既慳家又環保。

tong01
「時裝不停換季,我哋不斷買衫其實製造好多垃圾,所以今年都唔再買衫,唔會追潮流;而買其他物品時都會揀咗本地貨品先,因為外地運嚟香港嘅物品都會增加碳排放。」

浩楠

浩楠

Stars-hk 創辦人, 希望建立一個只談專業, 不談八卦的娛樂資訊網站。