雷晴雯驚喜獲邀率先欣賞莫奈作品展 病態藝癡嚇壞前度色彩療癒繪畫減壓

Claude_Monet (2)

藝人雷晴雯Winnie(雷穎怡)日前獲邀於Le French May法國五月藝術節的重頭大展之一:他鄉情韻—克勞德.莫奈作品展 “Claude Monet: The Spirit of Place”開幕前率先參觀及欣賞Monet的作品。醉心藝術的Winnie對是次獲邀坦言開心又興奮:「Monet係其中一位我非常鍾意嘅畫家,知道今年Le French May會有佢嘅畫展已經滿心期待,一早已經同成班朋友盤算緊幾時去先至會無咁多人。所以收到邀請時都真係驚喜得呆一呆,發夢都無諗過自己竟然可以有此榮幸,真係非常感恩。」

Claude_Monet (3)

當日由展覽策展人-文化遺產總監暨里爾美術宮及伯爵夫人濟貧院博物館館長Mr. Bruno Girveau親自導賞,仔細講解每幅作品的特色及背後故事,Winnie自覺獲益匪淺

 

Winnie笑言自己於舞蹈文化及藝術方面著迷得近乎病態,次次去旅行都係第一時間先鎖定參觀當地嘅藝術館同博物館,最誇張一次係十幾年前同當時男朋友去英國一星期,Winnie竟然用四日嚟行各式各樣大大小小嘅藝術館同博物館,而且每館起碼睇四五個鐘,行大英博物館仲要由排隊等開館行到人哋夠鐘關館仲唔捨得走,話未行完第二日要再去過,最終搞到另一半頂佢唔順大發脾氣Winnie先打消行足七日嘅可怕念頭。

Claude_Monet (5)Claude Monet的模擬工作室

「Monet嘅作品對我個人而言,好多時我都會感受到畫中充滿著一份濃厚深層嘅寧靜及溫柔,令人不禁一再細味。今次真係好多謝大會嘅特別安排,令我有機會得以喺絕對安靜嘅環境下,以最近距離專心欣賞及仔細研究Monet每幅真跡嘅畫風與及佢每一下嘅筆觸,實在獲益良多!」傾傾下先知原來Winnie以前副修美術並於各類型比賽中多次獲獎:「以前最愛畫素描同抽象畫,近幾年愛上咗Art Jamming,除咗可以減壓,仲可以透過不同色彩嚟面對自己,透視自己嘅內心世界,令身心靈都可以藉著顏料而得到釋放,作畫期間嘅忘我、專注同心無旁騖絕對係最佳嘅自我療癒。」

Claude_Monet (4)

5號展館的Claude Monet花園場景,漂亮得令Winnie都想要變成畫中人。

Winnie特別提醒除了欣賞Monet的真跡外,別忘了到隔鄰五號展館參觀特別重塑Monet位於法國小鎮Giverny的模擬居室、飯廳、工作室及花園,不但打造得精緻漂亮,亦讓大家對Monet的生平、生活及藝術創作有進一步的了解。

Claude_Monet (1)雷晴雯獲邀請率先欣賞法國五月藝術節重頭大展:他鄉情韻 – 克勞德.莫奈作品展,叫一酷愛Claude Monet作品的她驚喜莫名。

Claude_Monet (6)

走過光影變化下的四時美景及睡蓮小橋,就是Monet的模疑家居

Claude_Monet (7)

浩楠

Stars-hk 創辦人, 希望建立一個只談專業, 不談八卦的娛樂資訊網站。 STARSHK 總監, 星雨文化 董事, 藝人及名人管理, 項目:OTO 平台Artist-HK,活動統籌,