馬端琳孖住李思捷阮兆祥上大陸登台揾真銀

日前李思捷、阮兆祥連同馬端琳Zoey、石天欣、莊錠欣姐姐莊茵棋等，到東莞家輝會千人宴會廳為《思捷祥仔鬼馬雙星匯》表演。 Zoey話現場觀眾相當熱情，好好氣氛，有觀眾仲企左上張櫈度揮動螢光棒，極度High爆。

Zoey仲話今次演出又出左少少蝦碌，自己唱錯歌詞不過好彩自己執生觀眾未有發現同埋祥仔唱唱下突然無左音樂…不過又點會難到身經百戰嘅阮兆祥，同觀眾一路拍手一路清唱，觀眾都不知幾high~除咗音樂有少少問題外，其實今次表演尚算順利。

問到Zoey黎緊中山既演出，佢表示已經開始努力準備中，務求帶俾觀眾一個開心嘅晚上，佢話同前輩唱左咁多次，唔多唔少都會學到d嘢既。黎緊Zoey更會為NowTV新台ViuTV(第99台)拍攝真人秀，由4月尾開始拍到7月中，同埋中間仲要參與電影拍攝，真係忙到不得了，Zoey叫觀眾記得支持支持，忙係好事，但係最緊要帶到歡樂俾觀眾們咁就心滿意足了。