[Stars Girl] 范愷雯 Michelle 可愛帶點傻氣

Michelle_ (19)

相信最近大家都有睇過古天樂為Samsung 拍攝的Galaxy Note 5廣告,好多人都留意到一個女仔(唔係講盧覓雪),佢就係「咁長~點cap呀」既范愷雯 Michelle,日前我地就同這位「古女郎」做了一個專訪。

Michelle_ (1)

同古天樂拍廣告

其實我一直都有參與不同的廣告拍攝工作,有一天廣告公司邀請我做廣告試鏡,那時候只知道是電子產品和與一位男藝人合作,並未知道是古天樂。到後來知道自己被選中拍廣告時也不知道會跟古仔做對手戲,是到拍攝當天堆位才知道自己有這個戲份,真是即緊張又興奮。

有一場戲我要跪在台上,拍左大約大半小時,古仔貼心地關心我膝頭哥受傷,叫我下來休息。當時覺得古仔好細心好Nice。

廣告出街後多左人認識,有報紙幫我起了一個別名叫「古女郎」,多左好多出席活動同工作機會,最意想不到係街上都有粉絲認得,要求合照。

Michelle_ (16)

入行

21歲讀緊大學時,被模特兒公司在網上發掘,邀請到公司Casting,咁就入左行。平時主要都係做廣告同Magazine Model job。除左Samsung廣告外,我都有拍過其他不同大品牌的廣告,好似Pizza Hut、香港郵政、MTR等等。

Michelle_ (14)

難忘希臘攀山涉水影Cover

去左好多不同的地方做旅遊雜誌,認識左好多不同地方的文化、飲食、禮儀等等,真是獲益良多。去過希臘攀山涉水,讀者睇到一張絕景相,其實係我地一班crew行左好耐山留過不少血汗而換返來的。在絕景山崖邊影cover相是一個非常難忘的工作,因為一個不小心都有可能粉身碎骨。又有去過瑞典雪山,在大風雪的情況下影相。平時為左影相瘦點,通常都要著得好少衫,每次工作都好難忘。

Michelle_ (13)

健康帶點傻氣

不會盲目追求瘦,希望大家對我的印象係健康,所以平時不會節食,會多做運動。自己希望可以練到多d肌肉線條,最理想希望練到腹肌同人魚線。我覺得自己比較吸引人係親切的笑容同埋有點傻氣的性格。

打扮方面,自己喜歡韓風的打扮,我好喜歡韓國服飾details做得好靚,平時好多時都係girlish(少女)風。 未來一段時間,會試多d不同風格,例如女人味或型格一點。

Michelle_ (3)

認識恩師Cyrus

之前在一個工作場合中認識的,Cyrus是一個幕前的表演者,他為人非常健談,幽默風趣,認識耐左發現原來Cyrus幕後還有很多關於電影電視廣告以外的幕後工作,圈中認識的人頗多,經過傾談當中才發現我缺乏很多才藝,不同表演的經驗。所以經Cyrus提點之後,我才知道原來要成為一個藝人要多才多藝,之後我地大家就開始一起傾合作協議,現在我就是他唯一的旗下女藝人。

未來發展方面我希望可以拍電影電視,吸收多點演藝工作經驗。另外今年開始學唱歌跳舞等不同的技能,還有向司儀及主持方面學習,希望可以在娛樂圈做一個多才多藝的全能藝人。

如果大家喜歡范愷雯,就Like 佢個Fanspage:
https://www.facebook.com/micheefan.page/

攝影:Tommy

浩楠

Stars-hk 創辦人, 希望建立一個只談專業, 不談八卦的娛樂資訊網站。