蕭定一設宴「鮮入圍煮」 為 《十月初五的月光》 慶功

前日(25日)老細蕭定一係旺角鮮入圍煮設宴慶功打邊爐，慰勞一班演員辛苦為電影宣傳。出席演員有佘詩曼、張智霖、薛家燕、江美儀、呂慧儀、馬海倫、張建聲、張松枝、田啟文、胡渭康、梁健平及葉念琛導演。

《十月初五的月光》電影上左兩個星期，香港票房：九百幾萬未夠一千萬，中港臺票房：五千萬人民幣，阿佘點睇？
阿佘表示都好開心，算合格，希望會更加好些。我哋已穿州過省進行了一連串嘅謝票活動，一日行八間戲院宣傳辛苦過拍戲，但好開心係戲院見到觀眾們歡迎我哋，給予好大動力，辛苦都值得。因為國內上映嘅院線唔多，暫時票房只去到呢到，希望觀眾睇多幾次多多支持。

記者:Winnie Chiu

有網友投訴部電影爛尾
阿佘表示：每個人都有唔同嘅口味，睇戲呢D係好主觀嘅，佢聽到嘅口啤網上評語都好正面，有十五年前的感覺回憶。當然唔係每部戲都啱曬全部觀眾，今次未滿足到果位觀眾嘅，希望導演可以接受多D意見，拍一D啱果D觀眾的戲。

張智霖Chilam預告明年一月十六日會在廣州開演唱會，銷情好好，仲話大家都想佢加D《十月初五的月光》元素。
會唔會邀請阿佘做嘉賓？
Chilam話：知道阿佘好忙，同埋對方私底下同佢講過唔識唱歌。
咁有冇聽過阿佘唱歌?
Chilam就話：識佢咁耐都冇聽過佢唱歌
咁老婆袁詠儀會唔會去撐場？
Chilam話：有屋企人同我一齊參與我會唱得更加安心。

Chilam指食完今晚慶功宴就要進行地獄式減肥，佢笑話：冬天食太多最難減，巡迴演唱會會用番上次D衫，唔想改衫，呢樣都係原動力。

家燕姐今天好開心出席慶功宴，非常嘅贊同你三我四共同撫養小朋友。