陳鈺芸孖杜宇航 幫獨居老人髹油

兩位武打名星陳鈺芸JuJu 及杜宇航昨午於油塘為獨居老人維修家居。JuJu以紐約大學同學會會長身份，找來舊生做義工，幫長者家居髹油。

JuJu笑言睇中好友杜宇航識功夫及有力氣，就邀請他來做「苦力」：「大家喺朋友介紹下認識，我地同樣打功夫又運動員，所以一拍即合！阿杜之前有請我睇首映，今日我回禮請佢幫手做義工！見他有氣有力，搵佢嚟擔擔抬抬相信無難度。」她自言於北京為《卧虎藏龍2》補拍鏡頭直至凌晨，缷下古裝頭後也未洗頭，48小時沒睡覺就直上飛機返港出席慈善活動，所以今日也要帶帽子出席活動。

同場杜宇航對於被邀請來當「苦力」，他笑謂毫不介意：「都係髹吓油，見到老人家都好開心。（老人家一個人住，屋企都好乾淨，如果你獨居都會保持乾淨？）我出外做嘢時都成日獨居，都好乾淨。」