張智霖、佘詩曼主演《十月初五的月光》煞科

昨晚(5日)，電影《十月初五的月光》於銅鑼灣舉行煞科宴，主角張智霖、佘詩曼、陳喬恩、薛家燕、莊思敏、唐文龍、何傲芝等都有出席，場地筵開22席非常的熱鬧。

記者:Winnie Chiu

這晚莊思敏以一身黃色露背連裙出席煞科宴，成功吸引記者們的閃光燈

君好阿佘以一身黑白槓連裙出席煞科宴，貴為視后的阿佘無任歡迎，人緣極好，大人小朋友都爭住同阿佘玩合照。

本身有工作在身的喬恩專程從臺灣飛來香港出席煞科宴會，以一身黑裙壓軸出場，出場還有工作人員開路。現場兩位女主角有講有笑，阿佘亦非常照顧喬恩。

Chilam大贊《十月初五的月光》電影非常的感人催淚，11月就會上映同大家相見，對票房有信心。

關于離巢新聞，阿佘表示：有同其他公司，TVB談過。有好的劇本公司會好好考慮，希望可以在電影方面有些嘗試。

之前有人爆料阿佘你去了泰國，阿佘表示：係去還神，求平安及健康，唔係求轉運及姻緣。問到感情問題，阿佘只係一聲唉…等待中，我都想！

早前亦有人爆阿佘以3千多萬買左西貢一個雙連獨立屋，阿佘直認係上年年尾買，用來自住，同阿哥阿嫂一起住，一家人住係媽咪嘅愿望，宜家裝修緊，未知幾時先入火。問到裝修駛唔駛7位數字，阿佘就話要努力揾錢，慳D駛。

關于粵劇名伶林家聲離世，家燕姐話自己今早11點先知道此事，因為新城打電話來問我感受。家燕姐話上次見佢唔知係邊個活動，當時佢精神已經唔係幾好。細個時已經同聲哥合作，合作超過十幾套電影，聲哥係個非常認真投入努力的人。有功架，星味，又有臺型，我睇到都暈大浪，封佢做偶像。

相信十幾年前的《十月初五的月光》電視劇每個人都有睇，十幾年后的《十月初五的月光》電影版我亦相信每個人都會行入去電影院睇！期待中