莊思敏浸冰水拍安全套廣告

OLYMPUS DIGITAL CAMERA

新一代岡本安全套廣告代言人,今日終於揭盅──正是全亞洲首位岡本女王,莊思敏(Jacquelin)。

Jacquelin近日成為岡本0.03 Cool及岡本0.03冰薄安全套的女代言人,日前她已秘密拍攝廣告,當日Jacquelin以性感造型上陣搏到盡,既瞓浴缸美人出浴,又和拍檔趙勁皓(King)大玩老樹盤根親密火辣遊戲,嘆盡冰火二重奏的她笑言「今次拍廣告真係特別又難忘」。

OLYMPUS DIGITAL CAMERA

Jacquelin今次以一個合理誠意價接拍岡本廣告,她說:「今次價錢唔係咁重要,做到呢個產品代言我好surpise,對自己係一個挑戰。岡本呢個品牌同做安全套代言人我都覺得ok,加上對上係何潤東,佢一向俾我感覺健康,俾人印象好好。以前可能呢啲產品大家比較敏感,依家大家都會接受,做到亞洲區第一個女代言人當初都係戰戰競競,始終香港人有好多唔同睇法,今次係挑戰自己應付呢啲產品嘅能力。」

OLYMPUS DIGITAL CAMERA

「自己一向俾人嘅形象都唔係咩特別清純乖乖女,自己喺電影上亦經常挑戰利啲嘅角色,有時做吓惡人,幾期待出嚟嘅反應係點,但我對個團隊好有信心,因為成個團隊好專業,畫面同成件事出到嚟係靚。」

OLYMPUS DIGITAL CAMERA

Jacquelin表示拍攝過程非常順利,廣告商亦憐香惜玉,在一些性感玩冰環節,都對Jacquelin照顧周到,「因為個廣告係凌晨三點開始拍,已經夜深,個人好虛,都凍,好彩個客幫我喺浴缸入面鋪好軟墊同埋保鮮紙,配合乾冰使用嘅出浴鏡頭,感覺先冇咁難受。」

OLYMPUS DIGITAL CAMERA

此外,廣告中Jacquelin和King亦有親密鏡頭,例如街頭嬉戲,當King在酷熱下抹汗休息之際,佻皮的Jacquelin從後飛身熊抱,請食「波餅」加「凍柑」,把冰涼罐裝飲料直接印到King頸上,為對方消暑。現場所見,Jacquelin跳上King背項後就雙腿緊夾對方,King亦好有默契地用手托住Jacquelin一雙長腿。Jacquelin憶述:「我同阿King合作過好多次,大家比較熟唔會有咩尷尬情況,呢個shot要跳上佢個身上面,佢企側咗少少,我跳上去時佢想即刻逗住我但唔成功,差啲成個跌落地下。」最後兩人終於成功「結合」兼原地旋轉,表達溫馨浪漫感覺。

浩楠

浩楠

Stars-hk 創辦人, 希望建立一個只談專業, 不談八卦的娛樂資訊網站。