[新歌推介] 王菀之新歌《小手術》拍MV 嗌到聲沙眼腫

IMG_ (8)

王菀之(Ivana)與舞台劇很有緣份,除了將於七月上演的舞台劇,日前她為新歌《小手術》拍MV,亦找來香港舞劇獎最佳女主角黃呈欣和梁浩邦擔任男女主角。原來Ivana曾向導演自薦做MV女主角,結果慘食檸檬,她說:「因為女主角受情傷打擊患上厭食症…」

IMG_ (3)

《小手術》由伍仲衡作曲,黃偉文(Wyman)填詞。歌詞故事是Ivana提供的真人真事,她說:「其實呢首歌係送畀我既一位好姊妹,我同Wyman講咗呢位好姊妹既故事,我希望好似MV裏去安慰大欣咁樣安慰呢位好姊妹。」聲線一向可愛又嬌小節Ivana,為了今次拍MV嗌到聲沙眼腫,她說:「呢首歌既氣氛比較heavy(沉重),導演莊少榮希望我哋好dramatic(戲劇性)既故事情節去演出,大家情緒仲未平伏。今次MV有3位演員,女主角係我認為舞台劇界最靚女…唔計我,大欣,黃呈欣。至於男演員阿邦(梁浩邦)亦係一位非常出色既舞台劇演員,我好榮幸同佢哋合作,其實我今日係嚟睇戲!佢哋既張力好勁,加上《小手術》本身曲詞都好感人,現場氣氛好沉重!」

IMG_ (2)

Ivana自爆原本想演女主角,卻被導演斷言拒絕,她笑說:「大欣和阿邦飾演一對感情出現問題既情侶,佢哋演得好投入,嗌到聲斯力竭。因為大欣飾演既女主角受情傷而患上厭食症,本來我自薦演出,但導演話:『唔需要!』所以我今日係嚟睇戲。」她大讚兩位演員帶動全場情緒,還表演一秒即喊,令她大開眼界。她說:「佢哋演技已超越舞台上,還是拍MV,無論喺房間、天台還是枱底,張力一樣咁勁!佢哋上一秒仲好開心講緊午餐嗌外賣,下一秒roll機即刻入戲,好勁,一、兩秒間已經喊得好犀利!」原來Ivana初入行時首次演舞台劇曾與大欣合作,相隔十年再碰頭好感動,揚言內心情緒澎湃。

IMG_ (6)

浩楠

浩楠

Stars-hk 創辦人, 希望建立一個只談專業, 不談八卦的娛樂資訊網站。