《壹獄壹世界》 女參賽馬嘉韻素顏坐監 第一日訓住過

中國3D數碼娛樂有限公司舉辦的「實況踎監體驗有錢派」，昨日由19歲0靚模馬嘉韻Mars 接張建聲棒踎流動水飯房，至今午二時，Mars已坐滿24小時，而她亦已洗去化妝以素顏示人。

Mars在踎監期間不時瞓覺，她說：「因為夜晚比較難瞓，有蚊咬，日頭又好攰，架車環境其實唔差，又有冷氣又有嘢食，只不過有啲悶。可能第一日啦，冇張建聲嘅崩潰情況，自己平時成日(手禁)電話都好攰，有時都想靜吓，同世界隔絕，自己諗吓嘢。」

她又自稱沒男友，所以踎監後只掛住屋企人。

 

無野做就玩下手指

八大惡人玩寸監倉 林雪煲煙 尹佬爆粗 霸氣黃光亮：點x樣

改篇自高登神作三部曲最終章之《壹獄壹世界：高登闊少踎監日記》，今日推出全新幕後花絮片段「惡人篇」，出品人蕭定一在片中親自提及今次電影最特別之處，就是邀請了多位《監獄風雲》系列的演員參與，當中有黃光亮、徐錦江和已故的「大咪」何家駒，再加入盧惠光、尹揚明(尹佬)、張松枝、姜皓文及林雪，合組八大惡人。

片中兩位惡人黃光亮和尹揚明，一開咪已經爆粗，飾演監倉大佬「將軍」的黃光亮更粗口橫飛令人爆笑，他劈頭第一句受訪已霸氣驚人問「點x樣？」問他的角色是做甚麼？他隨口就說：「個角色咪做監躉囉，傻架你？」再問他角色性格是否好火爆？「唔火爆又點坐監？戇x架你都！」

徐錦江扮鬼王獄長
扮演獄中鑲珠師傅的尹揚明則從容爆粗，「我咪又係做監躉，幫啲監躉喺個細佬度鑲珠仔。我第一次講粗口，我喺電影度都未x講過粗口！」林雪扮演監獄廚師，最鍾意撚兩味攞著數，而林雪亦當然亦有個性兼wild，擔住煙仔做訪問。

至於其他惡人亦各有特色，飾演獄犯「野狼」的姜皓文在片中出現踎「扇把」(廁所)，其角色平日嘻皮笑臉，但一有事發生就最兇狠；盧惠光扮演獄警力王，他每次除眼鏡就會發難打人，六親不認；徐錦江在《監獄風雲II逃犯》扮獄長鬼見愁，今次角色則叫鬼王，延續其角色特色；而另一扮高級獄警的張松枝則個性理性沉默。