JuJu打入荷里活參與奧斯卡

打女JuJu陳鈺芸剛簽約美國經理人合約，正式成為奧斯卡影后Halle Berry 的師妹，日前更與經理人公司老闆Vincent Cirrincione 一起岀席奧斯卡頒獎禮後酒會。

JuJu 表示雖然對《臥虎藏龍2》監製之一—Imitation Game 《解碼遊戲》導演Mortan Tyldm未能獲奧斯卡最佳導演獎感對有點失望，但對此片能獲最佳改編劇本獎感到非常高興。JuJu說：「係拍攝《臥虎藏龍2》時同Mortan 合作過，佢係一個好專業同有才華既導演同監製。係拍攝《臥虎藏龍2》時，我地成班演員係《解碼遊戲》未上映前，監製已經率先為我地租咗一個私人影院放映咗三場。我太鐘意呢套戲，所以睇曬三次。」

另外，JuJu現正於荷里活接受經理人公司安排的演藝課程，入讀師姐影后Halle Berry曾進修過的演藝學校，及被安排電影和美劇試鏡。JuJu 表示這個幾月來在荷里活的生活很充實，「經理人公司希望我留喺美國發展，依家傾緊幾部西片，因為已經接咗兩部香港電影年中開拍，加上四月會去北京拍攝《臥虎藏龍2》餘下既戲份，所以我暫時都會兩邊飛，西片同中港電影都會接。」