男神女神空降MOKO【衝上雲霄】震撼啟航

萬眾期待，本年度最矚目電影之一【衝上雲霄】將於今個農歷新年年初一上映，電影版更加入新角色包括古天樂、鄭秀文、佘詩曼及郭采潔，一眾型男女神衝上大銀幕！

日前 MOKO新世紀廣場率先舉行電影見面會，帥氣機師Cool魔張智霖、靚女空姐Cassie佘詩曼、馬國明及朱璇空降MOKO新世紀廣場與各位觀眾粉絲見面玩游戲！

眾【衝上雲霄】演員一出場就引起在場觀眾粉絲的尖叫，首先由四位張智霖、佘詩曼、馬國明及朱璇分別提問題給現場觀眾粉絲答對有簽名海報送，與現場觀眾粉絲打成一片！

互動游戲一浪接一浪，趁著多位型男女神在場，有粉絲特別打扮成Skylette機組人員，請教偶像們談情的必殺技。跟著請臺下四位粉絲上臺與偶像們裝飛機設計夢幻客機名字，現場氣氛推至高峰！

最后由四位嘉賓演員將一張巨型Skylette登機證撕開電影正式啟航！預祝電影【衝上雲霄】票房一飛沖天！

Chilam出席【衝上雲霄】宣傳活動話，大年初一會同屋企人去捧自己場。而早前老婆見到偶像李敏鎬表現興奮合照，身為老公的他未有呷醋，他更希望能與金智賢見面咀佢一啖，睇下老婆會唔會呷醋呢。

而阿佘拍呢套戲同古天樂古仔合作差D電親，話有一場戲係佢同古仔係水池入面，導演為左環境優美，特別係水池下面放左三個大燈射上面，而水下又有著住防電嘅蛙人，頓時擔心會唔會電親架，好彩最尾都冇事。仲有有機會同古仔下起坐百年歷史嘅古董飛機，而飛機只可坐兩個人，多一個人都唔得,感覺相當浪漫。阿佘又睇左【衝上雲霄】電視劇，對機師、空姐好仰慕，覺得造型好吸引。

而今次馬國明與江美儀在【衝上雲霄】入面繼續鬼拍拖做情侶，馬國明大談與江美儀的咀戲，在【衝】入面第一場戲兩人就開始咀戲了，馬國明表示同美儀已經非常有默契。馬國明講笑謂美儀曾演過其繼母，咀佢當咀阿媽咁。