柳妍煕香港過聖誕 期待出席頒獎禮 (附圖輯)

IMG_ (7)

歌手柳妍煕Shay去年首次獨自留在香港過聖誕,今年繼續因工作要留港度過,不過,今年對她來說特別有意義,除著聖誕節期間需要出席一系列新人拉票活動同支持她的一班Fans度過外,而Boxing day(26日)更會以新人身份首次參加新城勁爆頒獎禮。

IMG_ (3)

而問到會與誰共進聖誕大餐,她開心說:「爹地媽咪專程由北京飛黎陪我過聖誕,當然會同他們以及師傅曾路得一齊食聖誕大餐,今個聖誕雖然天氣好凍,我又最怕凍,但有他們在身邊,覺得特別溫暖。」

IMG_ (4)

Shay每年聖誕都會送禮物給曾路得老師,她表示早已準備了禮物送給父母及老師,但買了甚麼?她買關子說:「唔講得住,佢哋每日都會睇新聞,想保持神秘感,總之好實用。」問她可有收到追求者的聖誕禮物?她笑說:「的確收到好多男士送畀我聖誕禮物,但都唔係追求者,因為全部都係男粉絲。」追求者未有表示?她說:「仲未喎,可能仲未正式到聖誕。」她最想收到甚麼聖誕禮物?她一臉幸福說:「爹哋、媽咪專程由北京飛來香港陪我過聖誕,就係我最想要的聖誕禮物,我已經得到咗。」

IMG_ (5)

被問及聖誕禮物點解唔係最想在頒獎禮上攞獎嗎?她話”我唸每一個歌手都希望自己一年的努力會得到肯定,我亦都唔例外,關於得獎與否,其實對我來講都抱住平常心就好,努力著就好!就好似以前做運動員一樣,努力著用成個心去投入著就已經好開心了,結果會係點,其實並無咁重要,而是去享受其中的過程。而且音樂之路現在才剛剛開始,相信以後需要自己去挑戰去學習的地方會好多,所以我會一步一腳印的朝住自己的夢想邁進,希望可以做好自己,做好音樂,唱多啲好歌比更多嘅朋友去分享。

IMG_ (6)

當然在頒獎禮上如果可以得到肯定,我會非常感恩更會繼續加油!如果唔系,我亦都會再接再厲希望做到更好,去報答一直以來關心、支持我對我不離不棄的歌迷朋友以及家人老師們。 最後係哩度都要祝大家聖誕節快樂,記得到時帶埋自己最最心愛的人一齊快快樂樂過聖誕啦!」

浩楠

Stars-hk 創辦人, 希望建立一個只談專業, 不談八卦的娛樂資訊網站。