鄭秀文新曲加精選「Sammi Miracle Best Collection」12月19日面世

IMG_ (7)

千呼萬喚天后鄭秀文的新曲加精選唱片「Sammi Miracle Best Collection」終於明日(19日)面世,替後天舉行的跨年騷「Touch Mi鄭秀文世界巡迴演唱會」打響頭炮。新碟封面Sammi大騷弗爆6舊腹肌和人魚線,就連背部線條都非常完美,充滿力量。她坦言為拍此唱片封面加操緞練,加上重金禮聘屢獲國際獎項、來自北京的女攝影師兼視覺藝術家陳漫合作,陳漫大讚她氣質完美,Sammi興奮表示與陳漫合作「精彩到起晒雞皮」,對於封面相滿意度高達「百份之二百」!

Print

Sammi說:「上次福音碟《Faith》,來自聖經裏重要嘅字,而今次新曲加精選碟名《Miracle》亦係聖經中好重要嘅字,唔單純一個英文字,點解放入今次唱片,因為每個人生歷程都係miracle,無論經歷好與差,呢啲經歷都會成為生命中好神奇既miracle。我既歌唱歷程都好miracle,起起跌跌,都經歷咗好多,呢個字亦好代表我。而呢個字裏有『mi』,藏住阿Mi,Sammi呢個人。」

IMG_ (2)

新歌當中包括演唱會主題歌《Bang Bang Bang》;日前曝光Sammi與安仔@C AllStar合唱《時間之光》、林夕填詞的《總有一個人》、與24味合作的《戰勝自己》和電影《衝上雲霄》插曲《Over the Rainbow》等。Sammi說:「我當大碟咁做架,6首新歌全部我自己揀,非常鍾意。雖然唔係福音碟,但亦有唔同訊息和正面力量。」

IMG_ (3)

早前新歌MV找來台灣名導鄺盛,新碟封面就重金禮聘屢獲國際獎項、來自北京的女攝影師兼視覺藝術家陳漫操刀。拍攝當日Sammi非常風騷,還有鏡頭前扭腰跳舞,弗到爆的她仍大叫要減肥。她說:「與鄺盛多次合作,佢喺MV呈現我長髮長腿女性化一面,有別於我平常中性打扮。同陳漫係第2次合作,佢總會發現我最美既一面,我哋互動非常順利,合作精彩到起晒雞皮!我好信任佢既判斷、眼光、審美標準等,呢次拍攝唱片封面既效果我滿意度有百分之二百。」她自爆為此全力加操:「今次著既衫好需要靚線條,我呢兩日努力加操,令腹肌和背部線條更完美。」陳漫大讚Sammi氣質獨特,她以普通話說:「沒想過Sammi能做這麼多表情,而且定位準確地騷出來,氣質好好,中性、甜、瘦、短髮,太完美啦!」

IMG_ (4)

至於演唱會場外發售紀念品,Sammi坦言為了歌迷而花心思,她說:「今次既產品好實用,著重紀念價值,定價亦唔可以令歌迷覺得有壓力!」

浩楠

Stars-hk 創辦人, 希望建立一個只談專業, 不談八卦的娛樂資訊網站。