RubberBand 伊館開Show 以歌會友 好友側田、小肥捧場 (附圖輯)

由主音繆浩昌(6號)、結他手馮庭正(阿正)、低音結他手李兆偉(阿偉)和鼓手黎萬宏(泥鰻)組成的樂隊RubberBand(RB),前日一連兩日(8及9日),假伊利沙伯體育館舉行一連兩場「RubberBand LIVE AT Q.E.S.2014」完滿成功。阿正開金口獨唱觀眾驚喜尖叫,不過他自爆騷前食太多臭豆腐,搞到肚脹脹!

開騷前,RB事先聲明是次演唱會純粹以歌會友,所以舞台沒有升降台機關、沒有舞蹈員勁歌熱舞、亦沒有華麗閃亮亮歌衫,他們只會專心唱歌。演唱會分別 有好友側田、Wyman、小肥等來捧場睇騷,演唱會準時8時半開騷,座無虛席,由6號清唱《坦白》揭開序幕,接著泥蜢獨唱《Hello》,然後全隊合唱《Hero》時,惜字如金的阿正打頭陣獨唱幾句,台下歌迷非常興奮尖叫,之後6號首次表演秘密練兵的結他,自彈自唱《寂寞島嶼》和再唱《坦白》為演唱會第一部分劃上句號。一口氣唱了幾首歌,6號笑說:「大家好,我哋RubberBand,今日係一個講好少嘢,純粹唱歌嘅音樂會,希望唔好悶襯你地!」慢歌部分,台下觀眾都安靜地坐在座位上欣賞,揮動手上電話電筒,場面溫馨。

接著當RB唱《瞬間看地球》時,6號請台下觀眾站起來,他們都乖乖聽話,然後《放》、《語言藝術》和《細街盃》等快歌時,觀眾都站起來手舞足蹈,非常High。之後唱慢歌《心照一生》後,6號感性地說:「呢首歌好肉麻,係2013年夏天寫,當中第二句歌詞(始終軟弱拖累太多)就係講我自己,當時諗到隊友,好怕拖累別人。我講嘢唔叻又肉麻,憑歌詞表達。每個人生命有長短,但冇人可以將生命倒帶,呢段日子令我思考好多。」演唱會「安哥」時,RB向台前幕後致謝,6號還公開多謝老婆,全場掌聲。6號又再感性起來,說:「RubberBand真係好懶,開好少騷,咁多年嚟得到咁多『知音』,佢哋唔係Fans,係『知音』,因為坐得喺度,都有返咁上下…..我又講錯嘢!」觀眾爆笑,他續說:「總之無論時代好與壞,我哋會寫多啲正量歌畀大家。」

騷後RB接受訪問,異口同聲表示好開心,6號笑說:「我哋真係相隔太耐無開演唱會,唔知觀眾既反應,好多歌手朋友都話開騷好難叫觀眾企起身,可能要叫好多次,點知一叫就起晒身,仲一齊跳舞!」阿正獨唱獲得觀眾掌聲,泥鯭笑指他是「偶像派」,不過阿正坦言不會因此多獨唱,他自爆開騷前食太多臭豆腐,搞到肚脹脹,阿偉笑說:「阿正唔止係今日食多咗,佢平時都食唔少。其實今次開騷,好多朋友都送生果藍、飲品甚至街邊小食嚟同我哋打氣,不過最開心係6號媽咪既愛心靚湯,個個喺後台爭住飲!」

浩楠

Stars-hk 創辦人, 希望建立一個只談專業, 不談八卦的娛樂資訊網站。