鄭秀文訓身拍《火宅之人》MV (附圖輯)

早前宣布今年將舉行個人演唱會的鄭秀文(Sammi),除了積極跑步鍛練外,早前為新專輯裏的新歌《火宅之人》拍MV。自從養了一隻貓咪「米米」而瘋狂愛上小動物的Sammi,MV與幾隻小兔演對手戲無難度,打破與動物拍戲好麻煩的傳說!

穿上露背長裙的Sammi被大風扇狂吹,然後扮暈倒躂落塌塌米,還要與幾隻小兔做對手戲,連續工作近十小時,仍保持良好狀態,表現專業。等候埋位時主動與小兔子傾偈培養感情,又與工作人員大談湊貓經,心情大好!

Sammi表示她非常喜愛新歌《火宅之人》的歌名,而歌詞是形容為愛情犧牲一切,甚至引火自焚的人,她說:「呢首歌既內容係講好多人會選擇一段唔容易經營既愛情,稱之為『苦戀』。有啲人將呢啲苦戀視之為引火自焚式既愛情,佢哋既愛情觀係不惜犧牲自己,只為得到心中好渴望得到既愛情!」她會否為了愛情也不惜一切? Sammi哈哈笑了幾聲,說:「我又唔會咁偉大,不過我會覺得當你選擇咗愛情既時候,會有犧牲既精神。」

由於這次MV加入不少電腦後期效果,所以Sammi在綠色布景前在幻想中的森林裏做戲,而且還增加難度,加入「拍戲雙煞:動物與小孩」中的「動物」合作,她被安排與幾隻兔仔演對手戲。其實Sammi與動物甚有戲緣,曾與狗演電視劇,而幾年前她更開始養了一隻貓咪,所以與動物相處頗有心得,她說:「呢個MV有幾隻兔仔同我一齊拍,有一隻啡色、一隻黑黑地色同埋一隻白色,MV故事講我喺個森林裏迷失咗,最終呢個森林仲著火,所以有啲小動物參與拍攝!之前我拍過電視劇《寵物情緣》,同大狗做對手戲,當時我有啲啲害怕同咁大隻狗相處,唔係好識同動物溝通。不過幾年前我養咗一隻貓,從此我就開始好瘋狂咁鍾意咗小動物,例如狗,而貓更係好鍾意、好鍾意!同動物溝通既方式,最重要係尊重每種動物既特質,同埋佢哋既個性。好似我隻貓『米米』,佢有自己既個性,要用一個適合佢既方式相處!」

浩楠

浩楠

Stars-hk 創辦人, 希望建立一個只談專業, 不談八卦的娛樂資訊網站。