邵子風遭網絡欺凌 著泳褲比Facebook Ban

蝦頭及龍小菌經理人兼緋聞男友邵子風到茜利妹的《謎米》節目《娛樂後援會》受訪,龍小菌也有同來,茜利妹取笑他們:「嘩!倒番轉,藝人湊經理人呀!」

邵子風常於網上發表惹火言論,屢遭Facebook禁制賬戶之餘,亦惹來不少網民出力劣評,他表示:「係網絡欺凌,最勁一次,前幾年我爸爸剛過身,有十幾個網民即時留言:『熱烈祝賀邵子風終於死老竇!』我果時忙住搞爸爸身後事,都唔得閒嬲。搞我就算,但係點解要搞到過身嘅老人家呢?」

說到常被Facebook禁制賬戶,他謂:「最近一次都幾冇厘頭,話說我生日時蝦頭送咗條紅色三角泳褲(底褲)俾我,咁我著住影幅相post上去,咁就ban咗,我又冇露械。」茜利妹:「齋著底褲,冇著任可嘢?」邵子風:「係泳褲!邊有人著晒衫著泳褲㗎?」

茜利妹又向邵子風獻計:「楊崢忽然唔做《一圈圈》,你好即刻call陳志雲sell你兩件artistes(楊詩敏及龍小菌)頂佢個位開咪啦!」邵子風:「係噃,有得諗!」

邵子風又憶述與楊崢多年前面交經過:「當年《樂施會》公開徵大使,我基本上係應徵成功,到最後見評審階段,楊崢都係其中一名評審,所有人睇過我個presentation都反應良好,傾談氣氛都好到位,最後,楊小姐問我一個問題:『你係咪基督徒?』我答唔係,因為我真係唔係。全場靜晒,氣氛忽然僵化,咁返到屋企,我就feel到唔啱數,即刻上網check番,發覺個評選條款改咗!原本最後選出果一位就係大使﹣即係我囉!但忽然變咗由最後十位再選出!」

茜利妹:「咁又未必關楊崢事,可能佢都係被分派問呢個問題啫。」邵子風回應:「我冇話關佢事,只不過咁啱個最後問題又出自佢口,而令我從此留有陰影,以後逢有人問我係咪基督徒,我就即刻標汗!」

浩楠

浩楠

Stars-hk 創辦人, 希望建立一個只談專業, 不談八卦的娛樂資訊網站。