《攣直後援會》AV聚會

藝人谷祖琳(小谷)應茜利妹及梁梓禧Roland之邀,到其NowTV電視節目《攣直後援會》受訪,席間與一名「攣人夫」Barry(與同性伴侶結婚四年的男同志)、一名性治療師Cynthia及兩名主持齊齊看三款AV(成人電影):男男、女女、男女。探討不同性向的閨房事之餘,更可向性治療師討教。當Roland看到一男一女的三級行為時禁不住掩眼大叫,害怕非常!在場其他人卻從容不逼,場面搞笑。

茜利妹大爆不少女同志友人都視已婚的小谷為女神,小谷更是入行以來首次在媒體披露:「其實我初吻係同一個中學女同學,仲要係濕吻果隻!但係我同佢都唔係les,純粹好friend,老死果隻,當時大家都覺得初吻應該同對方試,十幾歲個思維係咁嘅。」而她第一次接觸AV:「都係十幾歲,知道阿爸有,靜雞雞偷嚟睇,都唔記得內容,只係記得好刺激!驚俾屋企人隨時發現!」被問到對AV的喜好,她謂:「只睇日本片,唔中意西人嘅,有一類型冇法接受﹣男角係果啲阿叔呀、光頭佬呀,超咸濕、超樣衰…因會投射自己成為女角,接受唔到俾佢地搞囉!」

Roland好奇問:「咁你有冇同你老公一齊睇(AV)㗎?」小谷:「冇噃,各有各睇﹣我估佢都有睇啩,雖然我冇親眼見到。咁我會睇嚟當『補課』,結咗婚都唔可以懶嘅!有好多新片都係茜利妹俾我嘅,哎喲!你哋問得咁深入嘅!」Roland驚訝:「哈哈!我第一次見到小谷面紅!」

浩楠

浩楠

Stars-hk 創辦人, 希望建立一個只談專業, 不談八卦的娛樂資訊網站。