打女陳鈺芸被美國著名拳星弄爆嘴唇 (附圖輯)

由奧斯卡終身成就獎得主Roger Corman監製的中美合作武打片《猛龍追擊8小時》(“Fist of the Dragon”)首個電影發佈會昨天於西九龍中心舉行,導演司徒永華、女主角武打女星陳鈺芸(JuJu)、及片中演員姚洛銘(Jason),陳炳銓(Danny),譚晴等也有現身出席。而穿超短熱褲露出腹肌弗爆身材的JuJu更即場與外藉演員在台上以真功夫對打開始發佈會。

陳鈺芸(JuJu)在發佈會上自爆與男主角,美國綜合格鬥MMA-UFC著名拳星 Joshua J. Thomson有多個親熱鏡頭,由於男主角是第一次拍戲,所以對拍感情戲非常害羞。JuJu 說:「Josh拍打戲好多都一TAKE過,好專業。但一拍感情戲我就要事前同佢做好多準備,但都要好多Take導演先收貨。最難忘係我生日個日同佢拍接吻戲,我地咀咗40次導演先收貨。我都未試過同一個男仔係個半鐘頭內咀40次,佢比咗個好難忘既生日禮物我,希望佢太太唔會嬲佢,但我就有小小嬲佢搞到我個嘴唇皮開肉爛。」

另外姚洛銘(Jason)和陳炳銓(Danny)在戲中演一對出相入對的警探,二人均有開槍駁火的戲份,Jason 說:「今次係第一次拍動作片,片中九成演員都係武林高手,但我唔識打,所以我開槍。係片中我有受槍傷同爆炸既然場面,拍得好激,希望觀眾會鐘意。」

司徒永華導演表示《猛龍追擊8小時》片中所有打鬥場面均沒用威也,男主角Joshua J. Thomson 及反派 Xin Wuku 的激鬥場面及所有高空動作均沒用替身,由演員親身上陣。全片有多過十場打鬥場面,可謂由頭打到尾,必定能夠滿足喜歡看血腥動作片的觀眾!

浩楠

浩楠

Stars-hk 創辦人, 希望建立一個只談專業, 不談八卦的娛樂資訊網站。