陳鈺芸拍旅遊特輯減壓

2013-06-102013-06-10 浩楠陳鈺芸

武打女星 JuJu 陳鈺芸是日到贊助商挑選華麗晚裝，準備出席本週末在廈門舉行的大型電影節2013海峽影視季開幕典禮。穿上性感低胸晚裝的 JuJu 除盡顯驕人身材外，亦見其膊頭背部紅得一撻撻，原來係 “沙巴爛訓之旅” 所致。

JuJu 上星期到沙巴拍攝旅遊特輯順帶放幾日假， JuJu 說：「由於近期忙於新書寫作、新電影前期準備和跆拳道世界賽練習，導致疲勞和壓力過度，又經常失眠，仲拉傷腰部。拉傷腰後睇過中醫師，佢叫我停止練習兩星期，自己就更加驚會影響世界賽表現，壓力開始爆炸。好彩得到一個開旅行社既朋邀請我幫佢公司拍攝沙巴特輯，佢知道我呢排壓力大，仲特登安排我拍攝兩日，然後玩足三日。真係好多謝佢份心意，我真係好需要放鬆一下休息和充電返黎繼續工作。唔駛拍攝個幾日我日日係渡假酒店既泳池同沙灘日光浴，係沙灘由朝早訓到日落，所以曬到皮膚又紅又痕。」