早前因腳傷停工的楊千嬅，前晚突然現身側田紅館「命硬演唱會」，令以為自己慘食千嬅檸檬的側田既驚喜又感動，他更被千嬅台上公開追歌，迫婚又催生BB，顯得無從招架，非常搞笑。
相隔三年，側田前晚再踏紅館舞台舉行「側田命硬世界巡迴演唱會2013香港站」，全場爆滿，老闆林建岳，好友方力申和楊愛瑾等捧場。側田清唱首本名曲《好人》為演唱會揭開序幕，然後一口氣唱了多首金曲，全場觀眾熱情大合唱，他說：「大家好Hot，I Love You！今晚媽咪，細妹，仲有好多親戚朋友都嚟咗，大家玩得開心啲！」接著由他的三叔，資深音人Ted Lo鋼琴伴奏唱出英文歌《Over The Rainbow》和國語歌《可惜不是你》兩首伴他成長的經典金曲。
側田在介紹歌曲《兩個女人》時，向台下的媽咪和女友示愛，他說：「呢首歌係送畀兩個對我好重要嘅女人。」台上大電視播放媽咪和女朋友在台下，全場掌聲和尖叫，媽咪表現害羞，女友則對鏡頭微笑。之後側田歌詞唱到「I Love You」和「我愛你」歌詞時刻意指住台下的女友，唱完還對她飛吻，甜到漏！雖然有女友台下監場，但側田與性感女舞蹈員跳辣身舞時，依然很放！
側田事先張揚邀請了從未認識的「巨聲3」馮允謙擔任表演嘉賓，側田坦言：「直至噚日綵排，我哋終於第一次見面，其實我唔本來唔認佢，只係喺電台和飛機上聽過佢唱歌，覺得佢把聲好特別，就請佢嚟表演。我自己做新人既時候都係得到前輩提攜畀機會，所以我都想支持新人。」馮允謙表示首次踏足紅館唱歌，心情緊張又興奮。之後恭碩良突然上台送側田第一個驚喜，他戴著面具拿著吳雨霏送給側田的花籃上台扮送貨，一開聲卻被側田揭穿，非常搞笑。而視張國榮為偶像的側田，前晚在演唱會特別唱出哥哥的《風繼續吹》、《追》和《當年情》的Medley作為向偶像致敬，全場揮動螢光棒，場面感人。
之後側田準備講感性說話的時候，樂隊突然奏起輕快的音樂，穿著長裙高跟鞋的千嬅唱著側田為她作曲的《有過去的女人》出場，哄動全場，側田驚喜得呆了站在台上傻笑，之後大叫：「丁太！」千嬅唱完歌，側田立即好奇地問：「你隻腳唔係傷咗咩？」她佻皮地單起右腳跳一跳，說：「好番啦！」見側田感動的樣子，千嬅自爆早前整蠱對方：「上星期有人問我，有無時間嚟做側田演唱會嘉賓？其實我咁有義氣梗係嚟啦，但心諗：男人好衰架，一叫即嚟就唔記得你好，所以首先要踩到落谷底。」千嬅妙論贏得全場掌聲，她更乘機向側田追歌：「次次做你演唱會嘉賓都係唱《有過去的女人》，唱咗幾年，我個仔都一歲啦，第日啲90後睇騷，未聽過呢首舊歌，連個劇都未睇過，你幾時寫首新歌畀我架？」側田表示已寫好一首叫《RMB》賀她生仔，又稱曾email過Demo給她，豈料被千嬅取笑：「咁我電腦一定有黑客啦！」全場爆笑。
之後千嬅被側田點唱《野孩子》，唱畢她認真地對側田說：「Welcome back to Hong Kong!好多人鍾意香港既廣東歌，有咁多歌迷真金白銀買飛嚟睇，都係因為鍾意聽你側田唱歌，返嚟香港啦，你係香港人，有香港身份証，點解唔返嚟香港呢？」被迫供的側田強調沒有放棄香港，千嬅打蛇隨棍上催促側田結婚生仔，側田拉開話題：「太貴啦，我又無樓，點似得你有咁多樓！」千嬅未有理會，續說：「生咗小朋友就會更努力做工作，做人架啦！」然後她唱《小城大事》。側田很感動，他坦言：「我真係以為自己走咗一輪無晒朋友，你都唔嚟做我嘉賓！」千嬅拍拍他的肩膊，對觀眾說：「大家大力啲拍掌，拍到側田唔捨得離開香港！」
演唱會「安哥」時，側田被全場觀眾熱情感動，唱最後一首歌《命硬》時突然跳落台，與粉絲近距離接觸，收禮物和握手，引起全場騷動，場面一度混亂。而他走過觀眾席女友身邊時，二人四目交投，只有對望甜笑卻沒有身體接觸，之後與台下睇騷的老闆林建岳擁抱，林老闆拍拍他肩膊打氣，演唱會於晚上約十一時半圓滿結束。
慶功派對上，側田換了衣服與林老闆，張耀榮及贊助商等舉行祝酒儀式，接受訪問時側田坦言演唱會上，千嬅出現最令他驚喜，他說：「佢一直呃我話嚟唔到，所以依家我好開心！（佢向你追歌？）我寫歌睇心情，不過我一定會為佢寫一首度身訂造既歌，我會盡快寄demo畀佢。之前email過demo畀千嬅，但原來佢轉咗email我唔知，所以佢一直都收唔到。（女友睇完騷有咩意見？）其實佢從未睇過我台上表演，佢唔識廣東話，所以唔知我台上講乜。」他還透露因為這次觀眾反應熱烈，門票迅束售罄。他續表示今次演唱會雖然唱了三十首歌，但仍未夠喉，記者問他是否會開part2？他說：「只係好希望開part2，等公司安排！」而演唱會的下一站是馬來西亞。
