康城時間五月二十日凌晨零時，由香港導演杜琪峰執導，劉德華和鄭秀文（Sammi）主演的偵探電影新作《盲探》入圍第66屆康城電影節「午夜展映」單元舉行全球首映禮，不少華人明星都前來捧場，衣香鬢影，當中以女主角Sammi一身閃爍晚裝長裙最搶眼。她挽著身穿畢挺西裝的劉德華，杜琪峰導演與編劇韋家輝踏上紅地毡，向現場觀眾揮手，接受現場過百傳媒採訪拍照，全場閃光燈閃過不停，場面熱鬧。首映完場時，觀眾對於華仔和Sammi等演員出色演繹和電影瘋狂的拍攝手法非常欣賞，全場掌聲如雷，杜Sir率領華仔和Sammi等起立向觀眾致謝，杜Sir更雙手合十表示感激。
首次到康城行紅地毡的Sammi，表示心情既興奮又緊張，她笑說：「踏上紅地毡一刻心情戰戰兢兢，好想快啲行完！」對於觀眾激讚她戲中演出，Sammi好開心，她說：「好開心，韋家輝寫既呢個角色，令我有好多戲可以演，坦白講，如果十年前畀我演呢個角色，我駕馭唔到，呢幾年既人生經歷好重要，依家我可以好放咁去演。好多謝佢同杜Sir為我設計呢個角色，有啲場面我非常歇斯底里，演得好盡，因為有杜Sir和華仔喺我身邊，令我可以好放心咁去演。只要杜Sir話OK，我乜都可以唔考慮就去做。」戲中華仔飾演失明人士，Sammi與他少了眼神交流，反而需要更多肢體表達，他們的默契成為關鍵，Sammi說：「同華仔拍戲就好似打波，佢發有質量既球畀我，我就好有信心揮拍將球打過去，佢能夠將我既潛能激發出嚟，佢瘋嗎？我比佢更瘋！每次見到佢搏晒命演出，我就會鞭策自己追及佢既水平，一齊好好發揮！」華仔反而指Sammi拍戲時奮不顧身，身陷險境都不理會，令他甚為肉赤。
《盲探》首映禮後觀眾反應熱烈，華仔興奮之餘，坦言心情矛盾，他說：「好多觀眾睇完之後都鬧我『賤格』！其實今次呢個角色係由杜Sir和韋家輝特別為我設計，個角色真係好賤格，所以啲人睇完鬧我，都唔知開心定唔開心好？哈哈！其實最緊要係大家鍾意！」與Sammi第七次合作，華仔有感與對方已開展另一階段，他說：「《盲探》係劉德華與鄭秀文全新里程碑！除咗我地合作咗咁多次有好好既默契之外，另一方面喺無合作接近九年，期間大家都有成長，經歷多咗，先至可以將一個咁特別既劇本演得更得心應手。」其實華仔逗留康城只有一晚，昨日抵埗後馬不停蹄接受多個傳媒訪問，終於在首映禮前抽空與杜Sir，韋家輝和內地導演賈樟柯晚餐，眾人談笑甚歡。
而日前同樣身在康城的劉嘉玲，揚言想約Sammi在康城一敍，可是大家都忙為電影宣傳未能抽身，Sammi表示好想見嘉玲卻只能「隨緣」。她們果然非常有緣，前晚當Sammi和華仔準備出發到《盲探》首映禮時，在酒店巧遇嘉玲和老公梁朝偉，眾人一見面就互相恭喜和打氣，但因為大家都趕時間，Sammi、華仔、杜Sir、韋家輝與嘉玲、偉仔匆匆合照後，趕往首映禮。
