「THE BIG FOUR大家利事世界巡迴演唱會2013倫敦站」於3月18日於當地著名的O2體育館順利完成，張衛健蜈蚣彈再度撻Q即場派錢，全場HIGH爆。而他們更一反當地開騷傳統，落台與觀眾握手玩錫錫，掀起全晚高潮！
BIG FOUR世界巡迴演唱會農曆新年在香港完成首站演出後，昨晚在英國倫敦著名體育館O2開騷，全場爆滿座無虛席。他們將香港演唱會搬到倫敦，還將港式演唱會互動文化帶到當地，讓倫敦粉絲耳目一新，非常盡興。張衛健在香港演唱會上挑戰蜈蚣彈，結果幾乎場場派錢，在倫敦站照辨煮碗，可惜繼續撻Q，他自掏腰包送出200英磅（約港幣2400元）大利是，即場抽中的現場觀眾被邀上台顯身手，側手翻和蜈蚣彈都成功過關，大利是袋袋平安。Dicky笑言：「張飛只係128英磅，但佢就袋咗200英磅走，有賺啦！」而表演嘉賓就是將在九展Star Hall開騷的吳國敬和Joey Tang，他們一出場就大騷勁Rock本領，觀眾反應熱烈！
全晚BIG FOUR又唱又跳，加上搞笑本色令觀眾拍爛手掌，他們更一反當地開騷的傳統，走落台到觀眾席握手，掀起全晚高潮，期間蘇永康更被女觀眾強吻，他說：「我女朋友一早飛咗英國做嘢，我地兩個星期無見，當我落台經過坐在第一行既女友時，我就攬實佢錫咗一啖，之後有既女觀眾就照樣攬住我強吻！」許志安大讚倫敦觀眾熱情，充滿正能量，而梁漢文希望再到倫敦開騷。
開騷之餘，BIG FOUR偷閒四出遊覽，演唱會音樂總監雷頌德因在倫敦留學多年，今次充當導遊，帶他搭地鐵省回不少的士錢。Dicky除了到聖保羅大教堂參觀，還在當地欣賞音樂劇，為BIG FOUR下次開騷偷師，之後他與老婆張茜離隊到布拉格享受浪漫之旅，他說：「去完布拉格就返香港，休息兩日就北上拍戲。」此行Dicky最難忘買手信：「我老婆竟然睇中塊心型砧板，當時我心諗：千祈唔好買呀！點知佢話好可愛要買呀！結果我就喺倫敦買咗槐砧板返香港做紀念品！」而梁漢文就參觀大英博物館，為演唱會和專輯取經，身為球迷的他更與許志安和雷頌德就到史丹福橋球場欣賞了一場歐霸盃賽事，安仔說：「因為無買定飛，諗住去球場感受吓就算，點知好好彩，有人用原價30英磅賣出車路士對羅馬尼亞的布加勒斯特星隊既門票畀我地，而嗰場賽事更有入球睇，好開心！」
完騷後已離隊飛巴黎繼續shopping的蘇永康，自爆早將歌酬花光買時裝，在倫敦shopping時意外收獲令他好興奮：「在香港排隊都未必買到KENZO獅頭tee，畀我喺倫敦買到，原來倫敦店一位女店員係BIG FOUR粉絲，佢仲買咗飛捧場，佢見到仲話要擁抱我添！之後佢介紹咗我同佢公司經理認識，對方熱情招待，仲畀我買齊獅頭tee所有顏色，我要盡快返香港著出街！」
圖輯：
