[專訪] EO2 Eric、E-kids Alan開舞蹈學校培育後輩

最近 EO2 謝凱榮Eric 及 E-kids 林詠倫Alan 於海怡半島開設舞蹈學校HN Dance House,二人分別擔任校長及舞蹈總監。STARSHK 日前就去左學校同佢地做左個專訪。

問到點解會想開舞蹈學校,Eric 說:「因為細個嘅時候學跳舞嘅渠道唔多,現在正好有韓風影響香港。我認為呢個年代應該有多啲舞蹈學校,所以就想將在TVB學到嘅正統方法,教返比依家嘅小朋友。其實跳舞係我嘅興趣,同埋我想將依件自己喜歡的興趣繼續延續下去。」

文:Amy Lai

Eric:我們的親子班比較多人參加,因為區內家庭比較多,一齊跳舞可以令家長同小朋友有更多共同話題,增加溝通的渠道。我們還有時下很多不同的舞蹈,遲D會有社交舞丶拉丁舞等。我同Alan 都會親自落場教,仲有會邀請其他出名嘅導師、藝人歌手等 來我哋學校crossover。我地都好歡迎其他藝人朋友黎我地學校排舞。

Alan : 其實我向Eric本身已經很熟,以前係師兄弟,又試過合作開賣童裝嘅鋪頭,喺好多年前已經想開舞蹈學校 。加上有一位很好嘅老闆投資,所以就開咗跳舞學校,希望可以吸引更加多人了解跳舞。教開Funky Dance,其實以前在其他學校也教過,所以對教學模式比較熟。因為想將跳舞以前一些錯的觀念更正,也想教育小朋友令他們成長的時候學多一樣手藝。

希望每年都攪一個跳舞演出,我哋會接一啲慈善活動去令到學生有更多演出經驗,增加自信,年尾已經傾左一個大型主題公園既演出。當這間店成熟後,未來會再開分店在九龍區、新界區、內地等。

Eric 說:做藝人時都參加不少慈善活動,覺得好開心。同一班音樂人、藝人傾開,覺得大家可以做一些野,我們可以為機構創作一些東西,如:作曲、作詞、排舞等等,所以就成立《香港傷健文化節拍協會》。之前有參與過老人探訪等活動,另外我們都會帶學生一齊幫手,齊齊出一分力。

HN Dance House
https://www.facebook.com/HNdancehouse/?fref=ts
鴨利洲海怡半島海怡廣場西翼202號舖

浩楠

Stars-hk 創辦人, 希望建立一個只談專業, 不談八卦的娛樂資訊網站。