群星拱照華語金曲獎2017香港啓動禮 向回歸20週年致敬

2017華語金曲獎記者會於尖沙咀舉行啟動禮，大會邀請不同界別的歌手出席，包括草蜢、太極、吳國敬、陳柏宇、林奕匡、葉振棠、張立基、黃浩琳、黎小田、潘源良、陳少琪、張家誠、塗惠源、韋然、徐小明、何重立、內地實力唱作人徐苑、陳明憙、柏霖、謝芊蕾、謝芊彤、1N1 Sisters等等。

陳柏宇表示入行多年，用平常心對待獎項：「話唔恨又呃你，不過唔會強求囉！不過呢個頒獎禮就有少少唔同，因為華語歌係包括廣東歌、國語歌等等，如果我可以用廣東歌而得獎，咁都有啲為港爭光嘅感覺！（會唔會想攞獎送比老婆？）我咩都比晒佢架啦，錢、獎項同埋我自己成個人都比佢私有化咗！」
草蜢以殿堂級組合身分出席記者會，蔡一傑表示今年將出席多個頒獎禮：「有提名已經好開心，攞獎就唔關有冇信心事！依家準備緊個騷，諗緊內容係乜，但一定會跳多點！」
太極的Joey Tang就笑言樂壇後浪好勁，但都動搖不到他們的地位：「我地不知幾潮啊，我地都緊貼潮流玩埋網絡派歌，依家真係同以前有好大分別，不過網絡力量真係好大，總之你識上網、識中文就聽到我地新歌！」

而2017華語金曲獎總監朱明銳表示，希望透過活動向回歸致敬之外，更重要的是宣傳華語歌曲：「今次入圍名單好多歌手都來自不同地區，競爭非常大，我地希望透過一個有公信力的頒獎禮，揀到最好嘅華語歌，推動及重建香港樂迷聽廣東歌歌嘅習慣。」