青島拍劇遇江若琳 許雅婷升胸迫爆婚紗

許雅婷 (Kabby) 早前去青島拍攝內地青春偶像劇《梔子花开2016》，霎眼已經拍攝完畢，日前劇組拉隊搞煞科宴，Kabby和劇中飾演老師的江若琳 (Elanne)亦有出席。

今次 Kabby在青島拍攝順利，由於她接此劇後才學普通話，所以經常鬧出笑話，她笑說：「最搞笑係講普通話讀錯音，令到其他演員都要忍笑，因為有啲音讀錯咗，就好似我哋講廣東話粗口。其實呢次拍劇好開心，知道Elanne拍嘅感覺係他鄉遇故知，好warm。」

另外劇組又安排片中演員影海報，但相當大龍鳳，拍足幾日造型又多，其中一襲造型係Kabby着上低胸小清新婚紗，散發少女性感，又騷到有料上圍，她卻說：「係件衫啫，件衫幫咗我唔少，呢件婚紗真係非常之強勁。」Kabby平日密密實實，難得見事業線露曙光，她大笑，「我都感覺『佢』好耐冇露面見過人，其實嗰日組劇服裝訂番嚟嘅婚紗，現場我咃幾個女仔閨蜜着住，大家都係着婚紗，都有人陪住。」