人氣女團 Honey Punch攜韓國頂尖音樂制作團隊聯乘Serrini強勢打造話題新歌《Turbulence 漩》

由香港樂壇著名音樂監製及作曲人伍樂城夥拍韓國 K-Pop 頂尖製作人Shorelle（韓國 K-Pop 頂尖監製作曲人，曾為 BTS Jin、LE SSERAFIM、ITZY、NCT WISH 及 SEVENTEEN Jun 等天團傾力打造熱門作品）；Daexon（專門為 TWICE、LE SSERAFIM 及 NAYEON 等頂尖藝人度身打造爆紅歌曲）及RENAN（著名編舞家，曾打造 aespa《Whiplash》與《Armageddon》、ILLIT《Magnetic》及 XG 等人氣女團的爆紅舞蹈）中文填詞更搵來香港唱作新勢力－SERRINI 梁嘉茵聯手打造新歌《Turbulence漩》。

小小年紀但亦已作為大師姐既Honey Punch亦將於第六屆《說填就填》伯樂填詞創作比賽 x《作曲人的誕生大賽頒獎典禮2026》首次進行現場公開演出，希望為觀眾帶來耳目一新既感覺。

Honey Punch 錄音過程感受及趣事

今次錄音選在中秋節假期，公司希望Honey Punch與監製一起渡過，籍此加深互相了解，錄音時可擦出更多火花。而錄音當晚現場氣氛好好！

 

Colour 和 Chelsa 亦好有心地準備傳統應節食品月餅給三位遠道而來的監製和隨行同事食，原來幾位來賓都係第一次接觸月餅，大家覺得月餅外型和味道都好有趣，當晚大家都食得好開心！

此外，三位監製一見到 Jacey 第一印象已經覺得她很型格，到一開口錄音，更即刻確認佢完全勝任團隊「型格擔當」！問到Honey Punch幾位隊員今次錄音感受，

Keira 回答：今次得到呢個錄音經驗已經好開心，監製 Daexon 仲大讚我嘅聲音好適合喺電台播放，預言我過多幾年一定會好出色，我一定會加倍努力，唔會令Daexon 失望！

而隊長Casey則話：聽到Daexon 讚我話錄音嗰陣我有一句難度極高嘅樂句可以 One Take 搞掂！仲被讚喺新人女團入面屬於超厲害嘅表現，我覺得好開心！

Alma：Producer Shorelle 搞笑透露話我一行入錄音室嗰陣，身上帶住一種超可愛、零攻擊性嘅氣場，好似隻小狗咁好興奮咁對住大家笑。點知一開mic , 我就瞬間爆發「惡女氣場」，當場將 Shorelle 嚇咗一跳！

而Honey Punch 各成員都表示會好好珍惜今次咁難得的機會，亦好感恩公司老闆們一直全力支持。

堪稱香港最具認受性 — 第六屆《說填就填》伯樂填詞創作比賽 x《作曲人的誕生大賽頒獎典禮2026》眾多著名作曲及填詞人出席 為香港音樂界一大盛事

而伯樂音樂學院與荷里活廣場合辦第六屆《說填就填》伯樂填詞創作比賽 x《作曲人的誕生大賽頒獎典禮2026》，將於 2026年10月19日（星期一） 在九龍鑽石山荷里活廣場一樓明星廣場隆重舉行。當日焦點除了頒發各大填詞及作曲獎項外，人氣女團 Honey Punch 更將以特別表演嘉賓身份登場，即場帶來全新單曲《Turbulence漩》的首次公開現場表演！