王君馨即場揭曉二胎佗B女 連續兩年收政府生仔金 正物色二女星級契媽

懷有二胎的女星王君馨(Grace)神采飛揚出席孕婦多重保健品活動,期後更換上另一靚裙進行拍攝,精力十足。現場朋友佔七成估二胎懷女生, 還說現埸所見Grace比以前更美, 佗女會令媽媽更美麗。當揭曉時粉紅色氣球滿佈全場, Grace說: 「你哋真係聰明啦! 今次佗二胎前有食開保健品強化自己。三年抱兩屬意外。知道懷有二胎前仲有做劇烈運動,周圍去又食醬油蟹。但一切相當感恩。佗二胎前比第一胎家姐Audrey時攰小小。因為第一胎時想休息下煲下劇就去, 今次佗二胎時要同時兼顧一歲幾嘅家姐。Audrey又似足細個時嘅自己,成日跑跑跳跳又要去公園同戶外放電。」

Grace續說今次佗二胎變成大胃王: 「佗第一胎時好鍾意食甜嘢。今次唔同,胃口全開! 成日食唔嘢,重味嘢。打邊爐、炒飯、湯麵、雪糕…..」本身有哥哥和姐姐的Grace在家是排行最細的小妹妹,相當明白做妹妹的角色。她說:「我個大女Audrey宜家知我肚裏面有個baby,佢有時會Kiss Kiss肚入面嘅細妹, touch下佢。我最近買咗個BB嘅公仔比大女訓練下佢模擬幫BB餵奶,等佢有心理準備迎接妹妹嚟呢個Big Family。同時都好多謝老公Daniel全心全力配合,係一個好隊友。」

談到政府剛宣佈生BB的新生嬰兒獎勵金由兩萬元升至三萬元。Grace說非常Lucky, 三年抱兩的她連續兩次都拿到,大呼感謝主,會為BB當Lucky Money存起和買些日用品。至於二胎妹妹的名字改好了沒有? 她說會尊重前輩, 交由公公和爺爺兩老安排。懷有二胎的Grace早前享受Me Time, 首次和眾好姊妹們去了峇里島渡假,相當Relax。問到其中星級好姊妹團中誰勝任做星級㛃媽? Grace說衞蘭(Janice)已經是大女Audrey的㛃媽, Janice喜歡海洋, 有同Audrey游水, 享受在水的moments。衛詩(Jill)有幫忙做Baby Sister照顧BB。鍾舒漫(Sherman)平時喜歡煮飯,有煮好味食物比我們。鍾舒淇(淇淇) 細緻到有買芝麻糖給我,所以令我大女好多頭髮。大家也好好, 也替我很開心。最緊要希望大家都身體健康,開開心心! 哈利路亞!

許嘉浩Karl 及 劉宏業Kenny 出席活動