【STARSHK 專訪｜李紫昕Purple悼King Sir】周一探訪成永別 感念恩師半生提攜

香港戲劇泰斗鍾景輝（King Sir）安詳離世，令圈中無人不惋惜。李紫昕（Purple）接受本刊獨家訪問，細訴與King Sir深厚師友情誼，直言今次別離極為突然、難以接受。

Purple感慨，自己星期一先專程探望King Sir，當日佢精神狀態好好、有講有笑，完全看不出異樣，想不到當日相聚，已經係最後一面、成為永別。當收到噩耗、經朋友向其家人確認消息屬實時，Purple一度忍不住痛哭流涕，心情極度崩潰。

回憶二人淵源，原來早於Purple大學年代已經結緣。當年她負責校園電視，大膽邀請King Sir擔任顧問，對方二話不說鼎力相助，呢段緣分，一直深深留在Purple心中。

及後Purple投身音樂劇、成立自己劇團，King Sir一直對她極度支持，擔任劇團藝術總監、總導演，更為她首個合家歡音樂劇擔任男主角，又與她合唱多首歌曲，相伴合作回憶滿滿。即使近期的音樂劇， King Sir一直都有幫手錄音作為聲音演出，對於King Sir這份支持， Purple心裏充滿萬分感激！

多年來，King Sir亦師亦友，不單教導她舞台專業，更經常開解她：「盡咗力就得，凡事放開」，成為Purple嘅人生金句同支柱。私下二人無所不談，Purple不時陪King Sir食雪糕、朱古力，亦常帶佢去西貢食海鮮，相處點點滴滴溫馨難忘。

雖然知道King Sir於睡夢中安詳離開，係一種福氣、令人稍感安慰，但Purple依然萬分不捨。她坦言，King Sir係自己嘅恩師、人生導師兼最珍貴嘅朋友，會永遠銘記教導，承傳佢對香港舞台嘅熱愛，願King Sir一路好走。