佢哋今年搞鬼回歸！《搞乜鬼奪命雜作》 6月4日 著兩條褲入場

廿六年前，佢哋曾經同一個熟口熟面嘅蒙面殺手（「鬼面殺手」）搏老命。今年，呢四條友又再次俾殺手睇中，令所有恐怖電影IP都難逃被惡搞嘅厄運！三寸釘（馬龍韋恩斯）、阿雷（西恩韋恩斯）、仙蒂（安娜花莉絲）、柏蘭（維珍娜荷爾）一齊搞鬼回歸，聯同一班新血，炮製最癲喪嘅全新《搞乜鬼奪命雜作》！一切講得出嘅賣座恐怖經典，無論係重啟、續集、前傳；係原著定係衍生作品；高檔又好、低俗又好；任何稱得上係「傳奇」，又或者自稱係「結局篇」但拍極都死唔斷氣嘅故仔，都一律被「韋恩斯兄弟」盡情戲謔兼玩殘；實行踢爆每條公式，踩盡每條底線！無嘢需要驚，只需要著兩條褲入場迎接奪命笑料！

製作總監

尊尼芬傑文、托姆扎德拉、阿歷珊娜路維、瑪莎史雲頓

監製

馬龍韋恩斯、西恩韋恩斯、基倫艾華利韋恩斯、克雷格韋恩斯、力克艾華維斯

人物構思

西恩韋恩斯及馬龍韋恩斯及巴迪約翰遜及菲爾包曼與積遜菲伯格及艾倫塞瑟

編劇

西恩韋恩斯及馬龍韋恩斯及基倫艾華利韋恩斯及克雷格韋恩斯及力克艾華維斯

導演

米高泰迪斯

主演

馬龍韋恩斯、西恩韋恩斯、安娜花莉絲、維珍娜荷爾、迪文韋恩斯、格力韋恩斯、金韋恩斯、賓尼薛奇、金馬倫史葛羅拔斯、雪莉奧迪麗、基斯艾略特、戴夫舒爾丹、凱迪嘉納、洛奇林莫羅、奧莉花露絲基倫、露比史勞伯、莎瓦娜李納絲芙、薛妮柏克