李紫昕三場擔任《鄭國江 詞名一生演唱會》開場嘉賓 攜小朋友致敬前輩 場場引爆溫暖回憶qq
殿堂級填詞人鄭國江（鄭Sir）《詞名一生演唱會》圓滿落幕！資深音樂人、兒歌天后李紫昕（Purple） 獲邀出任三場演唱會開場嘉賓，每場打頭陣拉開序幕，為演出揭開精彩序幕，表現亮眼。
今次 Purple 帶領「紫昕音樂世界」一班小朋友登四面台演出，以多套對應鄭Sir經典兒歌嘅卡通造型亮相，演繹多首經典作品，向鄭國江老師真誠致敬。純真又熱血嘅舞台表現，即刻帶起全場第一個高潮，勾起全場觀眾滿滿童年回憶。
現場氣氛非常熱烈，觀眾全程跟唱，氣氛澎湃；當中經典《小時候》更帶動全場觀眾大合唱，畫面溫馨感人。
台上 Purple 亦趁機幽默笑言，希望鄭Sir收自己為徒，日後繼續跟隨前輩學習，創作更多優質兒歌，呢番真誠心聲即時獲鄭Sir欣然答應，成為全晚溫暖佳話。
演出過後，鄭Sir於後台大讚 Purple 表現出色、狀態十足，亦盛讚一班小朋友可愛認真，為演唱會添上滿滿溫度。
Purple 受訪時表示，由之前《50+2》演唱會到今次《55周年詞名一生》三場演出，能夠連續獲鄭Sir邀請擔任嘉賓，感到十分榮幸。見證鄭Sir一生為香港樂壇、兒歌文化貢獻無數經典，自己獲益良多，未來會繼續虚心學習，堅持原創，延續優質兒歌傳承。
工作密密不停嘅 Purple 今年成績豐收，先後為東華三院幼稚園創作主題曲、完成多首廣告歌，亦為福建中學百年校慶電影創作主題曲《百年時光印記》 ，MV將準備拍攝，歌曲更成功登上華語金曲榜第三位、VIP音樂榜推介位置，成績亮眼。
展望未來，Purple 八月即將迎來個人全新音樂劇演出，持續高產原創作品、積極登台，繼續為香港原創音樂及兒歌文化默默耕耘、繼續發光。
