鄭伊娜菁瑋秋祭活動狂吃美食 李霖恩無端端執到寶

由日本料理店協會主辦，作為「日本秋祭 in 香港」之知重點活動之一的「舞吧！秋祭2025」日前（15日）下午在旺角花墟公園正式開鑼！一如以往，場內設有多個日本美食攤位及各種文化表演外，今年更專程從日本德島縣邀請到一團二十多人的「阿波舞」舞蹈團體前來香港表演！除此之外，大會更添置了兩個四米半高的充氣「太鼓」公仔，供入場觀眾打卡拍照，所以亦吸引了多位藝人入場，包括李霖恩、菁瑋及亞洲小姐鄭伊娜。

李霖恩與腳患初癒的鄭伊娜也帶同家人一起到場感受場內日本文化氣息，亦大讚場內美食高質！鄭伊娜與菁瑋獨愛場內的拉麵和串燒，而菁瑋更聲稱被伊娜一家的食量嚇倒：「我頭先見佢哋食完一碗之後，再食多兩碗，我企喺隔離被拉麵嘅香味吸引，所以忍唔住也要食一碗！」而二人更大玩場內「夾杯麵」機，菁瑋更試了三次就成功夾到杯麵！相反伊娜頭三次未能成功，但第四次就由囡囡成功夾到！

至於李霖恩則是誤打誤撞地發現該活動：「頭先諗住同囡囡去花墟，點知發現原來附近有一個秋祭活動，所以就入嚟逛下！點知發現原來場內有好多日本人經營嘅攤檔！我平時去日本都係有計劃哋去進行，反而今次漫無目的咁入咗嚟逛咗一個日本秋祭活動，仲發現咗好多有特色嘅攤檔，啲嘢食真係好好味！」