人氣女團Viva、Gordon葉泓聲、新人Blue黃子康、Isaac小龍、凌峰、造星VI人氣選手Ian Hannz陳瑨羲出席商場跳舞比賽入擔任演嘉賓

商場黃金檔期主要節目XVENGERS全港舞蹈公開大賽，由七月尾開始橫跨八月份，一連三個星期在紅磡黃埔天地舉行。賽事分為U12，U20及公開組。其中U12及U20的battle組的冠軍將會代表香港出席台灣舉行的「孩子王」成為種子選手。

決賽除了邀請了協辧單位Xrta Lab創辦人Regent 老師作評審外、還有大家熟悉的Tsoul及從泰國專程而來的Urban Dance Studio的Mark擔任評判。還有邀請到一眾表演嘉賓，為各參賽者打氣。

大會首先邀請前男子組合成員Gordon葉泓聲演出，帶來出道的作品「登陸太陽」，喻意鼓勵大家不論任何情況，只要懂得把自己豁出去也可以重新出發 。Gordon正式宣佈成為一個獨立歌手，更自組了公司重新出發。Gordon：「今日最想鼓勵所有嘅參賽者，最緊要堅持自己嘅夢想，堅持自己嘅路，咁你哋就會會成功。嚟緊可能會cover返我哋天堂鳥以前嘅歌去做一啲表演，期望未來有更多作品面世，希望大家會喜歡。」。

XVENGERS跳舞比賽宣傳大使的Blue黃子康及Isaac小龍，在決賽當日亦帶來他們的第一首派台作品「德古拉之魂」及「靈魂與載體」，並且連同同公司的歌手凌峰合唱「一起」。Isaac：「都好榮幸能夠做跳舞活動嘅宣傳大使，其實準備做artist嘅過程裏面都有學跳舞裝備自己。唔知係咪跳舞冇乜天份，對於跳舞嘅Step自己都係要好努力先可以跟得到。不過希望嚟緊都可以有一些跳舞嘅作品可以推出。」

Blue：「好開心能夠喺一個咁大型嘅跳舞比賽，成為佢哋嘅宣傳大使。見到好多選手都非常厲害，特別係喺Battle嘅時候，見到一啲12歲以下嘅小朋友，佢哋嘅表現一啲都唔遜色。」Blue除了演出他第一首派台作品「德古拉之魂」外，亦是這首歌的MV首播。Blue：「好開心今日喺呢個地方首播呢首歌嘅MV。拍攝團隊去咗澳門取景，最記得當時有一個造型，係需要換上全白色嘅隱形眼鏡。未帶上嘅時候都知道係會睇唔到嘢，不過為咗拍攝效果都冇乜所謂。但係當導演叫我抬起頭嘅時候，原來白色隱形眼鏡對着燈光會好敏感，根本打唔開隻眼，而且會不停流眼水。所以這一幕，導演都體諒我呢個情況，拍得好快。不過辛苦都係值得嘅，亦都希望大家會鍾意呢個MV」。

凌峰：「「一起」呢首歌係一首非常勵志嘅歌曲，希望喺比賽嘅時候帶比大家一個正能量。自己嘅第一首派台作品已經做緊，希望作品好快就會同大家見面。」

 

四歲已經開始跳舞嘅Ian 陳瑨羲，當然是跳舞比賽嘅常客。而且年紀輕輕的他，也曾經擔任過一些跳舞節目任排舞師。今日帶來兩首自己作品「Empty Case」、「Ziggy」。

Ian：「其中一首歌已經喺YouTube有得睇，兩首歌歌曲都係自己嘅創作，都係講有關自己嘅心聲。除了曲詞編監外，包括埋MV嘅拍攝都係我嘅idea，可以講話係一個完完全全嘅親生仔。其實嚟緊仲會有其他作品推出，不過暫時忙緊比賽，希望第三個作品嘅MV可以好快同大家見面。」

有關造星VI比賽Ian表示：「自己都係第一次參加選秀節目，所以需要調節一下自己嘅心態。依家已經不斷加緊練習，務求令自己用最好嘅狀態去比賽。」

 

人氣女團VIVA成員張鈊貽(Val C)、姜咏鑫(Ada)、李晞彤(Carina)、馬思惠(Macy)第一次擔任跳舞比賽表演嘉賓，並且帶來三首歌曲，「Morning call」、「 ⁠不夠浪漫的我們」、「DTR」。能歌善舞的Viva，為現場帶來最熾熱的氣氛。Viva異口同聲說：「身為跳舞組合能夠第一次擔任跳舞比賽嘅表演嘉賓，真係好興奮。」張鈊貽(Val C)：「見到好多唔同嘅單位表演都非常出色，佢哋一定練咗好耐。」。姜咏鑫(Ada)：「見到佢哋嘅表演，令我諗返起我哋拍「不夠浪漫的我們」嘅時候，嗰種一齊奮鬥，一齊練習嗰種熱血。」。即將推出新歌的他們，現在積極排舞及練習，為全新歌曲作準備。